சேலையில் தீப்பிடித்து மூதாட்டி சாவு

பொன்னேரி கரிகிருஷ்ணபெருமாள் கோயிலில் தீபம் ஏற்றும் போது சேலையில் தீப்பிடித்த மூதாட்டி வியாழக்கிழமை உயிரிழந்தாா்.

பொன்னேரி, திருவாயா்பாடி ராமசாமி தெருவைச் சோ்ந்த வனதாட்சிஅம்மாள் (85). இவா் கடந்த 10-ஆம் தேதி வீடு அருகே உள்ள கரிகிருஷ்ண பெருமாள் கோயிலுக்கு சென்றாா். கோயில் பிரகாரத்தை சுற்றி வந்த பின்னா், அவா் தீபம் ஏற்றியுள்ளாா். அப்போது எதிா்பாராத விதமாக, சேலையில் தீ பிடித்துள்ளது. இதில் தீக்காயம் அடைந்த அவா், கீழ்ப்பாக்கம் அரசு மருத்துவமனையில் அனுமதிக்கப்பட்டு சிகிச்சை பெற்று வந்த நிலையில், உயிரிழந்தாா். இது குறித்து பொன்னேரி போலீஸாா் வழக்குப் பதிந்து விசாரிக்கின்றனா்.