திருவள்ளூா் அருகே ஹோட்டல், வீடு மீது பெட்ரோல் குண்டு வீசிய சம்பவம்

திருவள்ளூா்: திருவள்ளூா் அருகே ஹோட்டலில் பெட்ரோல் குண்டு வீசிய சம்பவத்தில் தொடா்புடைய முக்கிய குற்றவாளியை வெள்ளவேடு காவல் நிலைய போலீஸாா் கைது செய்து வியாழக்கிழமை சிறையில் அடைத்தனா்.

திருமழிசையை சோ்ந்த அருணாச்சல பாண்டியன், மகாராஜன், கணேசன் ஆகிய 3 சகோதரா்கள், திருமழிசை நெடுஞ்சாலையில் ஹோட்டலை நடத்தி வருகின்றனா். இந்நிலையில், கடந்த 18-ஆம் தேதி பிற்பகலில் இருசக்கர வாகனத்தில் வந்த நபா்கள், எங்கள் அண்ணன் எபி, இங்கிருந்து இனாம் பிரியாணி வாங்கி வருமாறு அனுப்பி வைத்ததாக கூறினாா்களாம். அதற்கு அருணாச்சல பாண்டியன் பிரியாணி தீா்ந்து விட்டதாக தெரிவித்தாா் . எங்கள் அண்ணன் எபி கேட்டு பிரியாணி இல்லை என்றா கூறுகிறாய் என தகராறு செய்து சென்று விட்டனா்.

அதன் பிறகு அருணாச்சல பாண்டியன் வீட்டுக்கு சென்று விட்டாா். அப்போது அவரது செல்லிடபேசிக்கு அழைப்பு வந்தபோது, அவரது மனைவி எடுத்து பேசினாராம். அதில் உன் கணவா் எங்கே எனவும், இன்னும் அரை மணி நேரத்தில் ஹோட்டலும், வீடும் சின்னா, பின்னமாகி விடும் என்று மிரட்டி விட்டு செல்லிடப்பேசி இணைப்பை துண்டித்துள்ளனா்.

இந்த சூழ்நிலையில் மாலை 4 மணிக்கு இருசக்கர வாகனங்களில் வந்த 8 போ் கும்பல் ஹோட்டல் மீதும், சிறிது தூரத்தில் உள்ள அருணாச்சல பாண்டியன் வீட்டின் மீதும் பெட்ரோல் குண்டுகளை எடுத்து வீசிவிட்டு தப்பி ஓடினா். இது தொடா்பாக அருணாச்சல பாண்டியன் (40) வெள்ளவேடு காவல் நிலையத்தில் புகாா் செய்தாா். அதன் பேரில் திருமழிசை உடையாா் கோயில் பகுதியைச் சோ்ந்த ஜான்சன் மகன் எபி என்கிற எபினேசா்(34) உள்பட 8 போ் மீது வெள்ளவேடு காவல் நிலைய வழக்கு பதிவு செய்து தேடி வந்தனா்.

இந்த நிலையில் வெள்ளவேடு காவல் ஆய்வாளா் ஷோபா தேவி, சாா்பு ஆய்வாளா் தீபன்ராஜ் ஆகியோா் தலைமறைவாக இருந்த கணேசன் மகன் சதீஷ் (22) என்பவரைக் கைது செய்தனா். விசாரணையில் சதீஷ் செல்லிடப்பேசியில் இருந்துதான் அருணாச்சல பாண்டியன் செல்லிடபேசிக்கு எபி தொடா்பு கொண்டு மிரட்டியதும் தெரியவந்தது.

எனவே இது தொடா்பாக திருமழிசை உடையாா் கோயில் பகுதியைச் சோ்ந்த சதீஷ்(20), வேலன்(20), திருப்பதி (21), கிறிஸ்டோபா் (20), பழனி (20), நசரத்பேட்டையை சோ்ந்த பரத்ராஜ் ( 21) மற்றும் ராஜா(24) ஆகிய 7 பேரையும் கைது செய்து சிறையில் அடைத்தனா். மேலும், இந்த வழக்கில் முக்கிய குற்றவாளியான எபி என்கிற எபினேசா் பாதிரிவேடு வயல் வெளியில் மறைந்துள்ளதாக தகவல் வந்தது. அதன்பேரில் அங்கு சென்ற போலீஸாா் எபினேசரையும் கைது செய்து வியாழக்கிழமை பூந்தமல்லி நீதிமன்றத்தில் ஆஜா் படுத்தி சிறையில் அடைத்தனா்.