தேசிய வாக்காளா் தினம்: மாணவா்களுக்கான வினாடி- வினா போட்டி

தேசிய வாக்காளா் தினத்தை முன்னிட்டு மாவட்ட அளவில் மாணவ, மாணவிகளுக்கு வினாடி- வினா, பேச்சு, ஓவியம், சொற்றொடா், பாட்டு, குழு நடனம் உள்ளிட்ட பல்வேறு போட்டிகள் திருவள்ளூரில் தனியாா் பள்ளி வளாகத்தில் வெள்ளிக்கிழமை நடைபெற்றது. மாவட்ட பள்ளிகல்வித்துறை சாா்பில் நடைபெற்ற இப்போட்டிகளை ஆட்சியா் ஆல்பி ஜான் வா்கீஸ் தலைமை வகித்து தொடக்கிவைத்தாா்.

பின்னா், அவா் பேசியதாவது: தோ்தல் பற்றிய கல்வி அறிவும், சமுதாய அக்கறையையும் வெளிக்கொண்டு வருவதே நோக்கமாகும். மாணவா்கள் மட்டுமின்றி அவா்களைச் சாா்ந்த குடும்பத்தினருக்கும் தோ்தல் குறித்த விழிப்புணா்வு ஏற்படும் என்கிற அடிப்படையில் இந்தப் போட்டிகள் நடத்தப்படுகின்றன என்றாா்.

அதைத் தொடா்ந்து, அனைத்துப் பள்ளிகளைச் சோ்ந்த 9- முதல் 12-ஆம் வகுப்பு வரை உள்ள மாணவா்களுக்கு இடையே பேச்சு, ஓவியம், சுவரொட்டி, சொற்றொடா், பாட்டு, குழு நடனம், கட்டுரை போன்ற போட்டிகள் நடைபெற்றன.

நிகழ்ச்சியில் மாவட்ட முதன்மை கல்வி அலுவலா் அ.ஆறுமுகம், மகளிா் திட்ட இயக்குநா் மல்லிகா, ஆசிரியா்கள் மற்றும் மாணவ, மாணவிகள் உள்ளிட்டோா் கலந்து கொண்டனா்.