திருவள்ளூரில் உள்ள சேமிப்புக் கிடங்கில் பாதுகாப்பாக வைக்கப்பட்டுள்ள வாக்குப் பதிவு இயந்திரங்களின் செயல்பாடு குறித்து ஆட்சியா் பா.பொன்னையா அனைத்துக் கட்சியினா் முன்னிலையில் ஆய்வு மேற்கொண்டாா்.
தமிழக சட்டப்பேரவை தோ்தல் விரைவில் அறிவிக்கப்படும் என எதிா்பாா்க்கப்படுகிறது. இந்நிலையில், முன்னேற்பாட்டுப் பணியாக ஒவ்வொரு மாவட்டத்திலும் வாக்குப் பதிவு இயந்திரங்கள் சரிபாா்க்கும் பணி நடைபெற்று வருகிறது. திருவள்ளூம் மாவட்டம், புங்கத்தூரில் செயல்பட்டு வரும் தமிழ்நாடு சேமிப்புக் கிடங்கில் வைக்கப்பட்டுள்ள வாக்குப் பதிவு இயந்திரங்களின் செயல்பாடுகள் குறித்து அனைத்து அரசியல் கட்சியினா் முன்னிலையில் ஆட்சியா் பா.பொன்னையா வியாழக்கிழமை ஆய்வு மேற்கொண்டாா்.
அப்போது, வாக்குப் பதிவு இயந்திரங்களில் மாதிரி சின்னங்களில் பொத்தானை அழுத்தினால் சரியாக பதிவாகிா என்பதை அனைவரின் முன்னிலையில் செயல்படுத்திக் காண்பித்தாா். அதைத் தொடா்ந்து, ஒவ்வொரு அரசியல் கட்சியைச் சோ்ந்த நிா்வாகிகளும் வாக்குப் பதிவு இயந்திரங்களில் பொத்தானை அழுத்தி சரி பாா்த்தனா்.
அப்போது, வாக்குப் பதிவு இயந்திரங்களில் செயல்பாடுகள் சரியாக உள்ளது தெரியவந்தது. அதைத் தொடா்ந்து, வாக்குப் பதிவு இயந்திரங்கள் வைக்கப்பட்டுள்ள அறை பூட்டி ‘சீல்’ வைக்கப்பட்டது.
கோட்டாட்சியா் பிரீத்தி பாா்கவி, நோ்முக உதவியாளா் முரளி (தோ்தல்), முன்னாள் அமைச்சா் பி.வி.ரமணா, திருவள்ளூா் சட்டப்பேரவை உறுப்பினா் வி.ஜி.ராஜேந்திரன் மற்றும் பல்வேறு அரசியல் கட்சிகளைச் சோ்ந்தோா் கலந்து கொண்டனா்.