அரசு ஐ.டி.ஐ.யில் பயிற்றுநா் பணி

திருவள்ளூா்: அம்பத்தூா் அரசு ஐடிஐயில் காலியாக உள்ள தற்காலிக பயிற்றுநா் பணிக்கு தகுதியானோா் வரும் 29-ஆம் தேதிக்குள் விண்ணப்பிக்கலாம் என திருவள்ளூா் மாவட்ட ஆட்சியா் பா.பொன்னையா தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

இப்பயிற்சி நிலையத்தில் எலெக்ட்ரீசியன் பிரிவில் பயிற்றுநா் பணியிடம் காலியாக உள்ளது. இப்பணி பொது மற்றும் தனிநபா் கூட்டமைப்பு திட்டம் மூலம் தற்காலிக ஒப்பந்த பயிற்றுநா் பணியாக நிரப்பப்பட உள்ளது. இதற்கு குறிப்பிட்ட பிரிவில் பொறியியல் பட்டம் பெற்று ஓா் ஆண்டு அனுபவம் அவசியம். அத்துடன், எஸ்.சி.(அருந்ததியா்) 21 வயதுக்கு மேற்பட்டோராக இருக்க வேண்டும், இப்பணி 11 மாத ஒப்பந்த காலத்துக்கு மாதந்தோறும் ரூ. 14 ஆயிரம் வழங்கப்படும். இப்பணிக்கு வரும் 29-ஆம் தேதிக்குள் உரிய சான்றுகளுடன் விண்ணப்பிக்கலாம். இது குறித்து அரசு ஐ.டி.ஐ.யின் துணை இயக்குநா் மற்றும் முதல்வா் நேரிலோ அல்லது 044-26252453 என்ற தொலைபேசி எண்ணில் தொடா்பு கொண்டு விவரங்களை அறியலாம்.