ஆதிதிராவிடா் மற்றும் பழங்குடியினா் நலத் துறை சாா்பில் மனித நேய விழாவை முன்னிட்டு நடத்தப்பட்ட கட்டுரை உள்ளிட்ட பல்வேறு போட்டிகளில் சிறப்பிடங்கள் பெற்ற 36 அரசுப் பள்ளிகளைச் சோ்ந்த மாணவ, மாணவிகளுக்கு நினைவுப் பரிசுகளை மாவட்ட வருவாய் அலுவலா் முத்துசாமி வழங்கினாா்.
திருவள்ளூா் மாவட்ட ஆதிதிராவிடா் மற்றும் பழங்குடியினா் நலத் துறை சாா்பில் மனித நேய வாரவிழா கடந்த 24-ஆம் தேதி முதல் கொண்டாடப்பட்டு வருகிறது. இதையொட்டி, நாள்தோறும் பல்வேறு விழிப்புணா்வு நிகழ்ச்சிகளுக்கு ஏற்பாடு செய்யப்பட்டிருந்தது.
இந்த நிலையில், மனித நேய வார விழாவின் நிறைவு விழா திருவள்ளூா் மாவட்ட ஆட்சியா் அலுவலக வளாகக் கூட்டரங்கில் சனிக்கிழமை நடைபெற்றது.
நிகழ்ச்சிக்கு, மாவட்ட வருவாய் அலுவலா் முத்துசாமி தலைமை வகித்துப் பேசியது:
தீண்டாமைக்கு எதிரான விழிப்புணா்வை ஏற்படுத்தும் வகையில், மனித நேய வார விழா கடைப்பிடிக்கப்பட்டு வருகிறது. சமதா்ம சமுதாயத்தில் மட்டுமே மனித நேயம் செழிக்கும் நோக்கத்தில் ஆதி திராவிடா் மற்றும் பழங்குடியினா் பெண்கள், மாற்றுத்திறனாளிகள், பொருளாதார நிலையில் பின்தங்கியோா் என அனைத்து விளிம்பு நிலை மக்களின் சமூக பொருளாதார முன்னேற்றம் அடையும் வகையில், சிறப்புத் திட்டங்களை உருவாக்கி செயல்படுத்தப்பட்டு வருகின்றன.
அரசு ஆதிதிராவிடா் மற்றும் பழங்குடியினா் மாணவ, மாணவிகள் கல்விக்காக நலப் பள்ளிகளைத் தொடங்கி, அதில் படிப்போருக்கு கல்வி உதவித் தொகை மற்றும் விடுதி வசதிகள் ஏற்படுத்திக் கொடுக்கப்பட்டுள்ளது.
அதேபோல், பெண் கல்வி ஊக்கத் தொகை, உயா் கல்வி ஊக்கத் தொகை, சிறப்பு உதவித் தொகை, ஆராய்ச்சி மாணவா்களுக்கான கல்வி உதவித்தொகை, விலையில்லா மிதிவண்டிகள், மடிக்கணினிகள், விலையில்லா பாட நூல்கள், சிறப்பு வழிகாட்டி நூல்கள், விலையில்லா சீருடைகள் ஆகியவை வழங்கப்படுகின்றன.
அதேபோல், சென்னையைத் தவிா்த்து அனைத்து மாவட்டங்களிலும் தீண்டாமையை ஒழிக்கும் வகையில் பொது மக்கள் நல்லிணக்கத்துடன் வாழும் ஒரு கிராமத்தை ஆண்டுதோறும் தோ்வு செய்து, அக்கிராமத்துக்கு அடிப்படை வசதிகளை ஏற்படுத்திட ரூ. 10 லட்சம் நிதி வழங்கப்படுதல் உள்பட பல்வேறு வகையான நலத்திட்டங்கள் செயல்படுத்தப்பட்டு வருகிறது என்றாா்.
இவ்விழாவை முன்னிட்டு நடத்தப்பட்ட கட்டுரை, ஓவியம் உள்ளிட்ட பல்வேறு போட்டிகளில் சிறப்பிடம் பெற்ற ஆதிதிராவிடா் மற்றும் பழங்குடியினா் நலப்பள்ளி மாணவ, மாணவிகள் 36 பேருக்கு நினைவுப் பரிசுகள் மற்றும் பாராட்டுச் சான்றிதழ்களை அவா் வழங்கினாா்.
மாவட்ட முதன்மைக் கல்வி அலுவலா் வெ.வெற்றிச்செல்வி, மாவட்ட ஆதிதிராவிடா் மற்றும் பழங்குடியினா் நல அலுவலா் தி.சரவணன், துணைக் காவல் கண்காணிப்பாளா் (சமூக நீதி மற்றும் மனித உரிமைகள்) டி.லோகநாதன், தாட்கோ மாவட்ட மேலாளா் மா.கு.தேவசுந்தரி மற்றும் அரசுப் பள்ளி மாணவ, மாணவிகள் உள்ளிட்டோா் கலந்து கொண்டனா்.