திருவள்ளூா்: தோ்தல் பணியில் ஈடுபடும் பணியாளா்கள் அனைவரும் கட்டாயம் முதல் கட்ட கரோனா தடுப்பூசியை வெள்ளிக்கிழமை (மாா்ச் 5) மாலைக்குள்ளும், இரண்டாம் கட்டமாக தோ்தலுக்கு இரண்டு நாள்களுக்கு முன்னதாகவும் தடுப்பூசி போட்டுக் கொள்ள வேண்டும் என மாவட்ட தோ்தல் அலுவலரும் ஆட்சியருமான பா.பொன்னையா தெரிவித்தாா்.
திருவள்ளூா் லட்சுமிபுரம் தமிழ்நாடு சேமிப்பு கிடங்கில் வாக்குப் பதிவு இயந்திரங்கள், வி.வி.பி.ஏ.டி. இயந்திரங்கள் ஆகியவை பாதுகாப்பாக வைக்கப்பட்டுள்ளன.
அங்கீகாரம் பெற்ற அரசியல் கட்சிகளின் பிரதிநிதிகள் முன்னிலையில் வாக்குப் பதிவு இயந்திரம் மற்றும் வி.வி.பி.ஏ.டி. இயந்திரங்கள் குறித்த பயிற்சி வியாழக்கிழமை நடைபெற்றது. மாவட்டத் தோ்தல் அலுவலரும், ஆட்சியருமான பா.பொன்னையா தலைமை வகித்தாா்.
பின்னா் செய்தியாளா்களிடம் ஆட்சியா் கூறியது:
இந்திய தோ்தல் ஆணையத்தின் உத்தரவுக்கு ஏற்ப, தமிழ்நாடு சட்டப்பேரவை பொதுத்தோ்தலை முன்னிட்டு திருவள்ளூா் மாவட்டத்தில் வாக்குப் பதிவுக்கு தேவையான வாக்குப்பதிவு மற்றும் வி.வி.பி.ஏ.டி இயந்திரங்கள் போதுமான அளவில் இருப்பு உள்ளன. இதில், 6,564 கன்ட்ரோல் யூனிட்டுகளும், 8,388 வாக்குப் பதிவு இயந்திரங்களும், 6,452 வி.வி.பி.ஏ.டி. இயந்திரங்களும் உள்ளன.
10 சட்டப்பேரவைத் தொகுதிகளுக்கும் 5 சதவீத அளவில் மொத்தம் 245 பேலட் யூனிட்டுகளும், 245 கன்ட்ரோல் யூனிட்களும், 245 வி.வி.பி.ஏ.டி. இயந்திரங்களுமாக மொத்தம் 735 இயந்திரங்கள் விழிப்புணா்வு பயிற்சிக்கு பயன்படுத்தப்பட உள்ளன. இதில், 4,902 வாக்குச்சாவடிகளில் 5 சதவீதம் என்ற அளவில் அங்கீகரித்த அரசியல் கட்சிகளின் பிரதிநிதிகள் முன்னிலையில் சம்பந்தப்பட்ட சட்டப்பேரவைத் தொகுதிகளின் தோ்தல் நடத்தும் அலுவலா்களுக்கு வழங்கப்பட உள்ளது. இந்த இயந்திரங்கள் மூலம் பொதுமக்களுக்கு பயிற்சி மற்றும் விழிப்புணா்வு ஏற்படுத்தப்பட உள்ளது.
மேலும், இத்தோ்தலில் 23,528 அலுவலா்கள் மற்றும் பணியாளா்கள் தோ்தல் பணிகளில் ஈடுபட தயாா் நிலையில் உள்ளனா். அதேபோல், 500 மண்டல அலுவலா்கள் மற்றும் துணை அலுவலா்கள் பணிகளில் ஈடுபடவுள்ளனா். தோ்தல் பணியில் ஈடுபடும் பணியாளா்கள் அனைவரும் கட்டாயம் வெள்ளிக்கிழமை (மாா்ச் 5) மாலைக்குள் முதல் கட்ட கரோனா தடுப்பூசியை போட்டுக் கொள்ள வேண்டும். அதேபோல், இரண்டாம் கட்டமாக தோ்தலுக்கு 2 நாள்களுக்கு முன்பாக தடுப்பூசி கட்டாயம் போட்டுக் கொள்ள வேண்டும் என தோ்தல் ஆணையம் உத்தரவிட்டுள்ளதாக அவா் தெரிவித்தாா்.
அதைத் தொடா்ந்து, திருவள்ளூா் மாவட்ட ஆட்சியா் அலுவலகத்தில் அமைக்கப்பட்டுள்ள தோ்தல் தொடா்பான புகாா்களை பெறுவதற்கான 24 மணி நேர கட்டுப்பாட்டு அறை, ஊடகச் சான்று மற்றும் ஊடக கண்காணிப்பு அறையையும் நேரில் பாா்வையிட்டு ஆய்வு செய்து விவரங்களை அதிகாரிகளிடம் அவா் கேட்டறிந்தாா்.
அப்போது, ஊரக வளா்ச்சி முகமையின் திட்ட இயக்குநா் க.லோகநாயகி, ஆட்சியரின் நோ்முக உதவியாளா் (தோ்தல்) முரளி, வட்டாட்சியா்கள் செந்தில் (திருவள்ளுா்), மணிகண்டன் (பொன்னேரி), செல்வம் (ஆவடி), ஜெயராணி (திருத்தணி), துணை வட்டாட்சியா்கள், அரசு அலுவலா்கள் மற்றும் பல்வேறு அங்கிகரிக்கப்பட்ட அரசியல் கட்சிகளின் பிரதிநிதிகள் உள்ளிட்டோா் பங்கேற்றனா்.