திருவள்ளூா் மாவட்டத்தில் உள்ள 10 சட்டப்பேரவை தொகுதியில் அதிமுக, திமுக, பகுஜன் சமாஜ்வாதி கட்சியைச் சோ்ந்த வேட்பாளா்கள் 50 போ் திங்கள்கிழமை வேட்பு மனு தாக்கல் செய்தனா்.
சட்டப்பேரவை தோ்தலுக்கான வேட்பு மனு தாக்கல் கடந்த 12-ஆம் தேதி தொடங்கியது. ஆவடி சட்டப்பேரவைத் தொகுதியில் தற்போதைய அதிமுக அமைச்சராக இருந்து வரும் க.பாண்டியராஜன் தனது ஆதரவாளா்களுடன் நேரில் சென்று தோ்தல் நடத்தும் அலுவலா் பரமேஸ்வரியிடம் திங்கள்கிழமை மனு தாக்கல் செய்தாா்.
மாற்று வேட்பாளராக அவரது மனைவி லதா பாண்டியராஜன் வேட்பு மனு தாக்கல் செய்தாா்.
அதேபோல் திமுக சாா்பில் வேட்பாளா் எஸ்.எம்.நாசா், நாம் தமிழா் கட்சியின் வேட்பாளா் விஜயலட்சுமி, பகுஜன் சமாஜ் கட்சி வேட்பாளா் சாா்லஸ், தமிழ்நாடு மக்கள் நல்வாழ்வு பேரியக்கத்தின் ராமன் உள்ளிட்டோரும் வேட்பு மனு தாக்கல் செய்தனா்.
திருவள்ளூா் சட்டப்பேரவை தொகுதி திமுக வேட்பாளா் வி.ஜி.ராஜேந்திரன் மீண்டும் போட்டியிட வேட்பு மனுவை தோ்தல் நடத்தும் அலுவலரான மதுசூதனனிடம் தாக்கல் செய்தாா். இவருக்கு மாற்று வேட்பாளராக அவரது மனைவி இந்திரா ராஜேந்திரன் மனு தாக்கல் செய்தாா். அதேபோல், பகுஜன் சமாஜ் கட்சியின் வேட்பாளா் டி.தாஸ் ஆகியோா் வேட்பு மனு தாக்கல் செய்தனா்.
பூந்தமல்லி சட்டப்பேரவைத் தொகுதியில் தற்போதைய சட்டப்பேரவை உறுப்பினரும், திமுக வேட்பாளருமான ஆ.கிருஷ்ணசாமி தனது வேட்பு மனுவைத் தோ்தல் நடத்தும் அலுவலா் பிரித்தி பாா்கவியிடம் தாக்கல் செய்தாா்.
அதேபோல், பகுஜன் சமாஜ் கட்சியின் வேட்பாளா் சத்தியமூா்த்தி ஆகியோா் வேட்பு மனு தாக்கல் செய்தாா். திருவள்ளூா்மாவட்டத்தில் உள்ள 10 சட்டப்பேரவை தொகுதிகளிலும், இதுவரையில் மொத்தம் 54 போ் வரையில் வேட்பு மனு தாக்கல் செய்துள்ளனா் என்பது குறிப்பிடத்தக்கது.