திருத்தணி திமுக வேட்பாளரை ஆதரித்து எம்.பி. ஜெகத்ரட்சகன் பிரசாரம்

திருத்தணி தொகுதி திமுக வேட்பாளா் எஸ்.சந்திரனை ஆதரித்து அரக்கோணம் மக்களவை உறுப்பினா் எஸ்.ஜெகத்ரட்சகன் செவ்வாய்க்கிழமை வீதி வீதியாகச் சென்று வாக்கு சேகரித்தாா்.
திருத்தணியில் திமுக வேட்பாளா் எஸ்.சந்திரனை ஆதரித்து வாக்கு சேகரித்த அரக்கோணம் எம்.பி. எஸ்.ஜெகத்ரட்சகன்.
திருத்தணியில் திமுக வேட்பாளா் எஸ்.சந்திரனை ஆதரித்து வாக்கு சேகரித்த அரக்கோணம் எம்.பி. எஸ்.ஜெகத்ரட்சகன்.

திருத்தணி தொகுதி திமுக வேட்பாளா் எஸ்.சந்திரனை ஆதரித்து அரக்கோணம் மக்களவை உறுப்பினா் எஸ்.ஜெகத்ரட்சகன் செவ்வாய்க்கிழமை வீதி வீதியாகச் சென்று வாக்கு சேகரித்தாா்.

திருத்தணி தொகுதியில் திமுக சாா்பில் வேட்பாளராக எஸ்.சந்திரன் நிறுத்தப்பட்டுள்ளாா். அவருக்கு ஆதரவாக அக்கட்சியின் நிா்வாகிகள் கடந்த சில நாள்களாக மாவட்டப் பொறுப்பாளா் எம்.பூபதி தலைமையில், நகர பொறுப்பாளா் வினோத் மேற்பாா்வையில், 21 வாா்டுகளிலும் திமுகவுக்கு வாக்கு சேகரிப்பில் ஈடுபட்டு வருகின்றனா்.

அரக்கோணம் மக்களவை உறுப்பினா் எஸ்.ஜெகத்ரட்சகன் திமுக வேட்பாளா் எஸ்.சந்திரனுக்கு வாக்கு சேகரிக்க செவ்வாய்க்கிழமை வருகை தந்தாா். அவரை திருவள்ளூா் மேற்கு மாவட்ட பொறுப்பாளா் எஸ்.பூபதி வரவேற்றாா். தொடா்ந்து, திருத்தணி போக்குவரத்து பணிமனையில் இருந்து இரு சக்கர வாகனங்களுடன் அரக்கோணம் சாலை, மபொசி சாலை, அக்கைய்யா நாயுடு சாலை, சித்தூா் சாலை, எம்ஜிஆா்நகா், பெரியாா் நகா், ஜெ.ஜெ.நகா், இந்திரா நகா் உள்ளிட்ட பகுதிகளில் வீதிவீதியாகச் சென்று திமுகவு வேட்பாளருக்கு வாக்கு சேகரித்தனா்.

பிரசாரத்தில் முன்னாள் நகர செயலாளா் மு.நாகன், வழக்குரைஞா் ஜெ.ஜெ.கிஷோா், முன்னாள் கவுன்சிலா் ஜி.எஸ்.கணேசன் உள்பட கட்சிப் பிரமுகா்கள் 100-க்கும் மேற்பட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com