Enable Javscript for better performance
Investing Periyapalayathamman temple jewels in gold bonds can earn Rs 1 crore per year- Dinamani

உடனுக்கு உடன் செய்திகள்

    பெரியபாளையத்தம்மன் கோயில் நகைகளை தங்கப் பத்திரத்தில் முதலீடு செய்வதன் மூலம் ஆண்டுக்கு ரூ.1 கோடி கிடைக்கும்

    By DIN  |   Published On : 01st July 2022 12:16 AM  |   Last Updated : 01st July 2022 12:16 AM  |  அ+அ அ-  |  

    30tlrminis_3006chn_182_1

    பெரியபாளையத்தம்மன் கோயில் உள்ள 132 கிலோ நகைகளை உருக்கி வங்கியில் தங்கப் பத்திரத்தில் முதலீடு செய்வதன் மூலம் ஆண்டுதோறும் ரூ.1 கோடி வருவாய் கிடைக்கும் என இந்து சமய அறநிலையத் துறை அமைச்சா் பி.கே.சேகா்பாபு தெரிவித்தாா்.

    திருவள்ளூா் மாவட்டம், ஊத்துக்கோட்டை அருகே பெரியபாளையத்தில் பவானி அம்மன் கோயில் அமைந்துள்ளது. இந்தக் கோயிலில் பக்தா்கள் காணிக்கையாகச் செலுத்திய, உபயோகமில்லாமல் உள்ள 132 கிலோ தங்க நகைகளை அரக்கு, செப்பு சுரைகள், கற்கள், இதர உலோகங்களை நீங்கி, சுத்தத் தங்கமாக மாற்றி, வங்கியில் முதலீடு செய்யும் நிகழ்ச்சி வியாழக்கிழமை நடைபெற்றது.

    அமைச்சா் பி.கே.சேகா்பாபு தலைமை வகித்து, உருக்கப்பட்ட நகைகளை பாரத ஸ்டேட் வங்கியிடம் ஒப்படைத்த பின்னா் பேசியதாவது:

    கடந்த 10 ஆண்டுகளாக கோயில்களில் காணிக்கையாகச் செலுத்தப்பட்டு உபயோகப்படுத்தப்படாமல் உள்ள நகைகளை உருக்கி, சொக்கத் தங்கமாக மாற்றி, கோயிலுக்கு வருவாய் ஈட்டும் வகையில் வங்கிகளில் முதலீடு செய்யப்படும் என அறிவித்தோம்.

    முதல் கட்டமாக விருதுநகா் மாவட்டம், சாத்தூா் அருகே உள்ள இருக்கன்குடி மாரியம்மன் கோயில் பொன் இனங்கள் பாரத ஸ்டேட் வங்கியின் சாத்தூா் கிளையில் ஒப்படைக்கப்பட்டன. தொடா்ந்து, திருவள்ளூா் மாவட்டம், பெரியபாளையத்தம்மன் கோயில் உண்டியல் நகைகளை சொக்கத் தங்கமாக மாற்றி (132 கிலோ 150 கிராம்) ஸ்டேட் வங்கி மேலாளரிடம் ஒப்படைக்கப்பட்டது.

    இருக்கன்குடி கோயிலில் இருந்த 27 கிலோ தங்கம் உருக்கப்பட்டு வைப்பு நிதியாக வைக்கப்பட்டது. இதன் மூலம் ஆண்டுதோறும் ரூ.24 லட்சம் வருவாய் கிடைத்து கோயில் பணிகளுக்கு செலவிடப்படுகிறது. பெரியபாளையத்தம்மன் கோயில் நகைகள் உருக்கப்பட்டு சுத்தத் தங்கமாக மாற்றப்பட்டு வைப்பு நிதிக்கு கொண்டு செல்லப்படுகிறது. இதன் மூலம் ஆண்டுக்கு குறைந்தபட்சம் ரூ.1 கோடி வருவாய் கிடைக்கும் என்றாா் அவா்.

    நிகழ்வில் இந்து சமய அறநிலையத் துறை அரசு முதன்மைச் செயலா் பி.சந்திரமோகன், ஆணையா் ஜெ.குமரகுருபரன், முன்னாள் உச்ச நீதிமன்ற நீதிபதி துரைசாமி ராஜீ, ஆட்சியா் ஆல்பி ஜான் வா்கீஸ், எம்.எல்.ஏ-கள் டி.ஜெ.கோவிந்தராசன் (கும்மிடிப்பூண்டி) துரை.சந்திரசேகா் (பொன்னேரி), பரம்பரை அறங்காவலா் அஞ்சன் லோகமித்ரா, பாரத ஸ்டேட் வங்கி (அம்பத்தூா்) மண்டல மேலாளா் ராஜலட்சுமி, இந்து சமய அறநிலையத் துறை அதிகாரிகள் கலந்து கொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp