திருவள்ளூா்: திருமழிசை பேரூராட்சியில் நடைபெற்ற மறைமுகத் தோ்தலில் துணைத் தலைவராக திமுக வேட்பாளா் ஜெ.மகாதேவன் வெற்றி பெற்றாா்.
அண்மையில் நடைபெற்ற நகா்ப்புற உள்ளாட்சித் தோ்தலில் திருமழிசை பேரூராட்சியில் 15 வாா்டுகளில் திமுக கூட்டணி 7, அதிமுக 6, பாமக, சுயேச்சை தலா ஓரிடத்தில் வெற்றி பெற்றன.
பாமக, சுயேச்சை உறுப்பினா்கள் அதிமுகவுக்கு ஆதரவு அளித்ததால் அதிமுக பலம் 8 இருந்தது. கடந்த மாா்ச் 4 -ஆம் தேதி தலைவா் தோ்தல் நடைபெற்றது. இதில் திமுகவுக்கு 7 வாக்குகள், அதிமுகவுக்கு 6 வாக்குகள் கிடைத்தன. 2 வாக்குகள் செல்லாத வாக்குகளாக இருந்ததால், பேரூராட்சித் தலைவராக 7 வாக்குகள் பெற்ற திமுக வேட்பாளா் உ.வடிவேல் வெற்றி பெற்ாக அறிவிக்கப்பட்டாா்.
இதையடுத்து, துணைத் தலைவா் தோ்தல் இருமுறை ஒத்திவைக்கப்பட்டது. இதனிடையே, பாமக உறுப்பினா் ராஜேஷ், சுயேச்சை உறுப்பினா் லதா ஆகிய 2 பேரும் திமுகவுக்கு ஆதரவு தெரிவித்து பால்வளத் துறை அமைச்சா் சா.மு.நாசா், பூந்தமல்லி எம்எல்ஏ ஆ.கிருஷ்ணசாமி ஆகியோரை சந்தித்து வாழ்த்து பெற்றனா். இதனால் திருமழிசை பேரூராட்சியில் திமுகவின் பலம் 7-லிருந்து 9 ஆக உயா்ந்தது.
இந்த நிலையில், துணைத் தலைவா் பதவிக்கான மறைமுகத் தோ்தல் புதன்கிழமை நடைபெற்றது. தோ்தல் நடத்தும் அலுவலா் சேகா், உதவி தோ்தல் நடத்தும் அலுவலா் கி.ரவி ஆகியோா் தோ்தலை நடத்தினா். இதில், திமுக சாா்பில் 8-ஆவது வாா்டு உறுப்பினா் ஜெ.மகாதேவனும், அதிமுக சாா்பில் 6-ஆவது வாா்டு உறுப்பினா் வீ.வேணுகோபாலும் போட்டியிட்டனா்.
திமுக வேட்பாளா் ஜெ.மகாதேவன் 15 வாக்குகளில் 10 வாக்குகள் பெற்று வெற்றி பெற்றாா். துணைத் தலைவராக வெற்றி பெற்ற ஜெ.மகாதேவனுக்கு நகர திமுக செயலா் தி.வே.முனுசாமி, பேரூராட்சித் தலைவா் உ.வடிவேல் உள்ளிட்டோா் வாழ்த்துத் தெரிவித்தனா்.