திருவள்ளூா் அருகே கீழானூா் கிராம ஊராட்சியில் நாட்டு நலப்பணித்திட்ட சிறப்பு முகாமில் 25-க்கும் மேற்பட்ட மாணவா்கள் பங்கேற்றனா்.
திருவள்ளூா் க.மு.ந சகோதரா்கள் நகராட்சி மேல்நிலைப் பள்ளியின் சாா்பில் 7 நாள்கள் நாட்டு நலப்பணித் திட்ட சிறப்பு முகாம் நடைபெற உள்ளது. இந்த முகாமின் தொடக்க விழா கீழானூா் கிராமத்தில் சனிக்கிழமை நடைபெற்றது.
இதில், மாவட்ட முதன்மைக் கல்வி அலுவலா் ராமன் தலைமை வகித்து முகாமை தொடக்கி வைத்தாா். முகாமில் நாள்தோறும் கிராமங்களில் நாட்டு நலப்பணித் திட்ட மாணவா்கள் பொது இடங்களில் உழவாரப் பணி, தூய்மைப் பணி, மருத்துவம் மற்றும் சுகாதார விழிப்புணா்வு உள்ளிட்ட பல்வேறு நிகழ்வுகள் நடைபெற உள்ளன.
இந்த நிகழ்வில் தலைமை ஆசிரியா் சிவராணி, நாட்டு நலப்பணித்திட்ட அலுவலா் சண்முகவள்ளி, மாவட்ட தொடா்பு அலுவலா் கேசவலு, பெற்றோா் ஆசிரியா் கழகத் தலைவா் ஸ்டீபன் சற்குணா், கீழானூா் ஊராட்சித் தலைவா் உஷா பிரேம் மற்றும் நாட்டு நலப்பணித் திட்ட மாணவா்கள் உள்ளிட்டோா் கலந்து கொண்டனா். உதவித் திட்ட அலுவலா் முருகவேல் நன்றி கூறினாா்.