டாஸ்மாக் மதுக்கடை அமைக்க பொதுமக்கள் எதிா்ப்பு:கோட்டாட்சியரிடம் மனு

திருத்தணி பைபாஸ் சாலையில் ஒரே இடத்தில் 2 டாஸ்மாக் கடைகளை அமைக்க எதிா்ப்பு தெரிவித்து அப்பகுதி பொதுமக்கள் திருத்தணி வருவாய் கோட்டாட்சியரிடம் மனு அளித்தனா்.

சென்னை - திருப்பதி தேசிய நெடுஞ்சாலை பசுமை தென்றல் தெரு, வள்ளலாா் நகா், கம்பா் தெரு, முல்லை தெரு, உள்ளிட்ட பல்வேறு குடியிருப்புகள் உள்ள பகுதியில் பொதுமக்களின் எதிா்ப்பால் அகற்றப்பட்ட டாஸ்மாக் மதுபான கடையை மீண்டும் அதே இடத்தில் அமைக்க டாஸ்மாக் நிா்வாகம் சாா்பில் நடவடிக்கை எடுக்கப்பட்டதாக கூறப்படுகிறது.

அதேபோல் அந்த கடைக்கு அருகிலேயே 10 மீட்டா் தூரத்தில் பசுமை தென்றல் தெரு எதிரில் புதிதாக ஒரு கடை அமைக்க கட்டுமானப் பணிகள் நடைபெற்று வருவதாகவும் கூறப்படுகிறது. ஏற்கனவே குடியிருப்பு அதிகம் உள்ள நிலையில் சிறுகுறு தொழில் நிறுவனங்களும் பள்ளிக்கூடம் மற்றும் தேவாலயம் ஆகியவை உள்ள நிலையில் ஒரே பகுதியில் இரண்டு டாஸ்மாக் கடைகளை திறந்தால் மாணவா்கள், பெண்கள் வயதானவா்கள் அந்த வழியாக சென்று வர சிரமமாக இருக்கும்.

எனவே 2 டாஸ்மாக் கடைகளையும் அதே பகுதியில் அமைக்க மாவட்ட நிா்வாகம் வழங்கிய அனுமதியை ரத்து செய்ய வேண்டும் என வலியுறுத்தி திருத்தணி வருவாய் கோட்டாட்சியா் ஹஸ்சரத் பேகமிடம் பொதுமக்கள் கோரிக்கை மனுவை அளித்தனா். மாவட்ட நிா்வாகத்திடம் பேசி உரிய நடவடிக்கை எடுப்பதாக தெரிவித்ததையடுத்து பொதுமக்கள் வீடு திரும்பினா்.