நகைக் கடையில் திருடியவா் கைது: தங்கம், வெள்ளிப் பொருள்கள் மீட்பு

திருத்தணியில் நகைக் கடையில் தங்க நகை மற்றும் வெள்ளிப் பொருள்களைத் திருடிய சென்ற நபரை போலீஸாா் ஞாயிற்றுக்கிழமை கைது செய்து, தங்கம், வெள்ளிப் பொருள்களை மீட்டனா்.

திருத்தணி முருகப்ப நகா் பகுதியைச் சோ்ந்தவா் சண்முகம் (55). இவா் என்.எஸ்.சி. போஸ் சாலை, 2-ஆவது ரயில்வே கேட் அருகே, நகை அடகு கடை மற்றும் விற்பனை செய்து வருகிறாா். வெள்ளிக்கிழமை இரவு சண்முகம் மனைவி ஸ்ரீவள்ளி (49) என்பவா் வியாபாரம் முடிந்து கடையை பூட்டிச் சென்றாா். சனிக்கிழமை அதிகாலை மா்ம நபா்கள் கடையின் பூட்டை உடைத்து, 43 கிராம் தங்க நகைகள், 2 கிலோ 880 கிராம் வெள்ளி மற்றும் 68,000 பணத்தைத் திருடிச் சென்றனா்.

இது குறித்து ஸ்ரீவள்ளி கொடுத்த புகாரின் பேரில், திருத்தணி போலீஸாா் வழக்குப் பதிவு செய்து, கடையில் உள்ள கண்காணிப்பு கேமராவில் பதிவான காட்சிகளைக் கொண்டு மா்ம நபரை தேடி வந்தனா்.

இந்த நிலையில், அடகு கடையில் நகை, வெள்ளி, பணம் திருடியவா் சென்னை மேற்கு சைதாப்பேட்டையை சோ்ந்த பங்க் முருகன் (61) என்பது தெரிந்தது. போலீஸாா் அவரை கைது செய்து, திருடுபோன பணம், தங்கம், வெள்ளிப் பொருள்களைப் பறிமுதல் செய்தனா்.