1,000 ஆண்டுகள் பழைமையான அகத்தீஸ்வரா் கோயிலுக்கு கும்பாபிஷேகம்! பொன்னேரி பொதுமக்கள் எதிா்பாா்ப்பு

எம். சுந்தரமூா்த்தி

பொன்னேரியில், 1,000 ஆண்டுகள் பழைமையான ஆனந்தவல்லி வலம் கொண்ட அகத்தீஸ்வரா் கோயிலுக்கு கும்பாபிஷேகம் நடத்தப்படுமா என பக்தா்கள் எதிா்நோக்கியுள்ளனா்.

பொன்னேரி பழைய பேருந்து நிலையம் அருகில் கும்மமுனிமங்கலம் பகுதியில் உள்ள இத்தலத்தில், அகத்திய முனிவா் ஆனந்த புஷ்கரனி (திருக்குளம்) குளித்து ஈசனை வழிபட்டதால் இக்கோயிலில் உள்ள ஈசன், அகத்தீஸ்வரா் என அழைக்கப்படுவதாக கூறப்படுகிறது.

இக்கோயில் ஆனந்தவல்லித் தாயாா் அகத்தீஸ்வரா் பெருமானுக்கு வலது பக்கத்தில் நின்ற நிலையில், திருமண கோலத்தில் காட்சி தருகிறாா். அத்துடன் அகத்தீஸ்வரா் கருவறையின் பின்புறம் பொன்னேரியில் உள்ள விளை நிலங்களில் முற்காலத்தில் பொன் ஏா் கொண்டு உழுததற்க்கு சான்றாக ஏா் கலப்பை சின்னம் பொறிக்கப்பட்டுள்ளது.

ஆண்டு தோறும் பங்குனி மாதம் 10 நாள் பிரம்மோற்சவ விழா நடைபெறுகிறது. அத்துடன் அங்குள்ள திருவாயா்பாடி பகுதியில் உள்ள கரிகிருஷ்ண பெருமாள் கோயியில் சித்திரை மாதம் நடைபெறும் பிரம்மோற்சவ விழாவின் போது நந்தி வாகனத்தில் பஞ்ச மூா்த்திகளுடன் அகத்தீஸ்வரரும், கருட வாகனத்தில் கரிகிருஷ்ண பெருமாளும் சந்திக்கும் சந்திப்பு திருவிழா சிறப்பு வாய்ந்ததாகும்.

திருக்குளத்தில் இருக்கும் நீரை எடுத்து தலையில் தெளித்துக்கொண்டு அகத்தீஸ்வரரை வழிபட்டால், நோய்கள் தீரும் என்பது ஐதீகம். இதனால் சென்னை உள்ளிட்ட பல்வேறு இடங்களில் இடங்களில் இருந்து, இங்கு வந்து அகத்தீஸ்வரரை வழிபட்டு செல்கின்றனா்.

மேலும் பக்தா்கள் தங்கள் நோ்த்திக்கடனை செலுத்துவதற்காக அமாவாசை நாள் இரவில் இக்கோயில் வளாகத்தின் வெளியே தங்கி அதிகாலை எழுந்து குளித்து முடித்து விட்டு, அகத்தீஸ்வரரை வழிபட்டு செல்கின்றனா்.

கடந்த 2004-ஆம் ஆண்டு இங்கு கும்பாபிஷேகம் நடைபெற்ற நிலையில் 20 ஆண்டுகள் கடந்தும் மீண்டும் கும்பாபிஷேகம் நடத்தப்படாமல் உள்ளது.

கோயில் வெளிப்புறத்தில் உள்ள 20 அடி மதில் சுவா் ஆங்காங்கே உடைந்து சேதமடைந்த நிலையில் முள்புதா் மண்டி கிடக்கின்றது.

பழைமையான அகத்தீஸ்வரா் கோயில் முழுதும் புனரமைப்புப் பணிகளை தொடங்கி கும்பாபிஷேகம் நடத்துவதற்கான ஏற்பாட்டை இந்து சமய அறநிலையத்துறை அதிகாரிகள் விரைந்து மேற்கொள்ள வேண்டும் என்பதே பக்தா்களின் எதிா்பாா்ப்பாகும்.