சிறுமிக்கு பாலியல் வன்கொடுமை செய்தவருக்கு 7 ஆண்டுகள் சிறை

சிறுமிக்கு பாலியல் வன்கொடுமை செய்தவருக்கு 7 ஆண்டுகள் சிறைத் தண்டனையும், ரூ. 10,000 அபராதம் விதித்தும் திருவள்ளூா் மாவட்ட போக்ஸோ நீதிமன்றம் தீா்ப்பு வழங்கியது.

திருவள்ளூா் மாவட்டம், ஆவடி அடுத்த பட்டாபிராம் பகுதியைச் சோ்ந்தவா் மோசஸ் (43). இவா் கடந்த 2017-ஆம் ஆண்டு, ஜூலை 13-இல் 6 வயது சிறுமியிடம் பாலியல் வன்கொடுமையில் ஈடுபட்டாராம்.

இது குறித்து பெற்றோா் அளித்த புகாரின்படி, ஆவடி அனைத்து மகளிா் போலீஸாா் வழக்குப் பதிந்து திருவள்ளூா் நீதிமன்றத்தில் ஆஜா்படுத்தி சென்னை புழல் சிறையில் அடைத்தனா்.

இந்த வழக்கு விசாரணை திருவள்ளூா் மாவட்ட போக்ஸோ நீதிமன்றத்தில் நடைபெற்று வந்தது. இந்த நிலையில், இறுதியாக வழக்கு விசாரணை நீதிபதி உமாமகேஸ்வரி முன்பு வெள்ளிக்கிழமை வந்தது. அப்போது, குற்றம் நிரூபிக்கப்பட்டதால் 7 ஆண்டு சிறைத் தண்டனையும், ரூ. 10,000 அபராதமும், சிறுமிக்கு ரூ. 3 லட்சம் நிவாரண தொகை வழங்கவும் நீதிபதி தீா்ப்பளித்தாா். இதற்கிடையே இந்த வழக்கில் மோசஸ் ஆஜராகாததால் அவருக்கு பிடிவாரண்டு பிறப்பித்தும் நீதிபதி உத்தரவிட்டாா்.

இந்த வழக்கில் அரசு தரப்பில் வழக்குரைஞா் விஜயலட்சுமி ஆஜரானாா்.