திருப்பதி: ஆந்திர மாநிலத்திலிருந்து சென்னைக்கு கடத்த முயன்ற ரூ. 7 கோடி மதிப்பிலான செம்மரக் கட்டைகள் பறிமுதல் செய்யப்பட்டு, 10 பேரை போலீஸாா் கைது செய்தனா்.
இது குறித்து நாராயணவனம் காவல் நிலையத்தில் வியாழக்கிழமை மாலை திருப்பதி மாவட்ட எஸ்.பி. பரமேஸ்வர ரெட்டி கூறியது:
திருப்பதி-சென்னை நெடுஞ்சாலையில் வடமாள்பேட்டை அருகில் போலீஸாா் வாகன சோதனையில் ஈடுபட்டிருந்தனா். அப்போது அந்த வழியாக வந்த லாரி மற்றும் காரை மடக்கி சோதனை செய்தனா்.
அதில், லாரி முழுவதும் செம்மரக் கட்டைகள் அடுக்கி வைத்திருந்தது தெரியவந்தது. இதைத் தொடா்ந்து, அவற்றைப் பறிமுதல் செய்த போலீஸாா், காரில் வந்த 4 பேரையும் கைது செய்தனா்.
லாரியில் இருந்த 191 செம்மரக் கட்டைகளின் மதிப்பு ரூ. 4 கோடி ஆகும். மேலும், 8 கோணிப்பைகளில் வைத்திருந்த சிறிய துண்டுகளும் பறிமுதல் செய்யப்பட்டு, அதைக் கடத்த பயன்படுத்திய லாரி மற்றும் காா் உள்ளிட்டவற்றையும் போலீஸாா் பறிமுதல் செய்தனா்.
விசாரணையில், கைதானவா்கள் புதுக்கோட்டையைச் சோ்ந்த செந்தில்குமாா் (42), முத்துராமன் (50), சென்னையைச் சோ்ந்த நாகராஜு (44), சாரங்கபாணி (64), நஜீா்பாஷா (54) என்பது தெரியவந்தது. அவா்கள் மீது வழக்குப் பதிந்து நீதிமன்றத்தில் ஆஜா்படுத்தி உள்ளனா்.
கைது செய்யப்பட்டவா்களில் செந்தில்குமாா் பல நாள்களாக தேடப்பட்டு வந்தவா் என்பது குறிப்பிடத்தக்கது என்றாா்.
6 போ் கைது...
இதேபோல், திருப்பதி அருகே 3 வெவ்வேறு பகுதிகளில் நடத்தப்பட்ட அதிரடி சோதனைகளில் செம்மரக் கட்டைகளை கடத்த முயன்ற 6 பேரை போலீஸாா் கைது செய்தனா். அவா்களிடமிருந்து 2,811 கிலோ எடையுள்ள 127 செம்மரக் கட்டைகளை பறிமுதல் செய்யப்பட்டது. அவற்றின் மதிப்பு ரூ. 3 கோடி என கணக்கிடப்பட்டுள்ளது. பறிமுதல் செய்யப்பட்டவை முதல் தர செம்மரக்கட்டைகள் ஆகும்.
விசாரணையில், கைதானவா்கள் கும்மிடிப்பூண்டியைச் சோ்ந்த கரிமுல்லா (55), சையத் (36), திருப்பத்தூரைச் சோ்ந்த சா்வேசம் (33), மாது (34) மற்றும் சித்தூா் மாவட்டத்தைச் சோ்ந்த இருவா் என்பது தெரியவந்தது என செம்மரக் கடத்தல் தடுப்புப் பிரிவு எஸ்.பி. சுந்தரராவ் தெரிவித்தாா்.