சுடச்சுட

    

    சிறப்பு வகுப்புகளைப் பயன்படுத்திக்கொள்ள 10, 12-ஆம் வகுப்பு மாணவர்களுக்கு அழைப்பு

    By DIN  |   Published on : 10th March 2017 08:20 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருவண்ணாமலை மாவட்டத்தைச் சேர்ந்த 10, 12-ஆம் வகுப்பு பொதுத் தேர்வு எழுதும் மாணவ, மாணவிகள் சிறப்பு வகுப்புகளில் கலந்துகொண்டு பயன்பெறலாம் என்று மாவட்ட முதன்மைக் கல்வி அலுவலர் ஜெயக்குமார் தெரிவித்தார்.
    திருவண்ணாமலை மாவட்டத்தில் தற்போது 10, 12-ஆம் வகுப்பு அரசு பொதுத் தேர்வுகள் நடைபெற்று வருகின்றன. 12-ஆம் வகுப்பு பொதுத்தேர்வு நடைபெறும்போது, 10-ஆம் வகுப்பு மாணவ, மாணவிகளுக்கு சிறப்பு வகுப்புகளும், 10-ஆம் வகுப்புத் தேர்வு நடைபெறும்போது 12-ஆம் வகுப்பு மாணவ, மாணவிகளுக்கு சிறப்பு வகுப்புகளும் நடத்த ஏற்பாடு செய்யப்பட்டுள்ளது.
    அதன்படி, தங்கள் பள்ளிகளுக்கு அருகே உள்ள ஆரம்பப் பள்ளிகள், நடுநிலைப் பள்ளிகள், சமுதாயக் கூடங்களில் தேர்வு நடைபெற இருக்கும் பாட ஆசிரியர்கள் மூலம் இந்த சிறப்பு வகுப்புகள் நடத்தப்படும்.
    எனவே, அரசு பொதுத் தேர்வு எழுதும் 10, 12-ஆம் வகுப்பு மாணவ, மாணவிகள் தங்கள் பள்ளிகள் மூலம் ஏற்பாடு செய்யப்படும் சிறப்பு வகுப்புகளில் கலந்துகொண்டு பயன்பெறலாம் என்று மாவட்ட முதன்மைக் கல்வி அலுவலர் ஜெயக்குமார் தெரிவித்துள்ளார்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai