Enable Javscript for better performance
நாட்டுக் கோழி வளர்ப்புப் பயிற்சி- Dinamani

சுடச்சுட

    

    திருவண்ணாமலையில் உள்ள தமிழ்நாடு கால்நடைப் பயிற்சி மற்றும் ஆராய்ச்சி மையத்தில், நாட்டுக் கோழி வளர்ப்பு குறித்த பயிற்சி முகாம் புதன்கிழமை  நடைபெற்றது.
    திருவண்ணாமலை மாவட்டத்தின் பல்வேறு பகுதிகளைச் சேர்ந்த 66 விவசாயிகள் இந்த முகாமில் கலந்து கொண்டனர்.
    விவசாயிகளுக்கு பயிற்சி அளித்து ஆராய்ச்சி மையத்தின் இணைப் பேராசிரியர் தியோபிலஸ் ஆனந்த்குமார் பேசுகையில், நாட்டுக்கோழி சேவல்களை வளர்ப்பதால், குறைந்த முதலீட்டில் அதிக பணம் சம்பாதிக்கலாம்.
    வீட்டில் இருப்பவர்கள் கோழி முட்டை, புரதச் சத்து மிக்க இறைச்சி உண்ணலாம்.
    முட்டைகள், வளர்ந்த கோழிகளை விற்று லாபம் சம்பாதிக்கலாம். கொட்டகை முறையில் வளரும் கோழிகளுக்கு கலப்புத் தீவனம் கொடுத்து அதிக எடையுள்ள கோழிகளைப் பெறலாம் என்றார். தொடர்ந்து, உதவிப் பேராசிரியர் துரைராஜன், கோழிகளை பாதிக்கும் முக்கிய நோய்கள், தடுக்கும் முறைகள் குறித்துப் பேசினார்.
    மேலும், வங்கிகளில் கடன் பெறுவதற்கான திட்ட அறிக்கைகள் இந்தப் பயிற்சி மையத்தில் தரப்படும் என்ற தகவலையும் அவர் விளக்கினார்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai