சுடச்சுட

    

    புதுப்பாளையம் பேரூராட்சியில் வேலூர் மண்டல உதவி இயக்குநர் ஆய்வு

    By DIN  |   Published on : 18th May 2017 08:29 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    செங்கத்தை அடுத்த புதுப்பாளையம் பேரூராட்சியில் வேலூர் மண்டல பேரூராட்சிகளின் உதவி இயக்குநர் திருஞானம் புதன்கிழமை ஆய்வு செய்தார்.
    புதுப்பாளையம் பேரூராட்சியில் தூய்மை இந்தியா திட்டத்தின் கீழ், 2 இடங்களில் ரூ.9.50 லட்சம் மதிப்பீட்டில் நடைபெற்று வரும் கழிவறை கட்டடப் பணிகளை வேலூர் மண்டல பேரூராட்சிகளின் உதவி இயக்குநர் திருஞானம் பார்வையிட்டு ஆய்வு செய்தார். ஆய்வின்போது, கழிவறைகள் தரமாக கட்டப்பட்டுள்ளனவா, தண்ணீர் வசதி உள்ளதா என புதுப்பாளையம் செயல் அலுவலர் சுகந்தியிடம் அவர் கேட்டறிந்தார்.
    மேலும், புதுப்பாளையம் பேரூராட்சியில் நடைபெற்று வரும் பசுமை வீடு கட்டும் பணிகள் குறித்தும் கேட்டறிதார். அதனைத் தொடர்ந்து, புதுப்பாளையம் பகுதியில் குடிநீர்த் தட்டுப்பாடு உள்ளதா, குடிநீர்த் தட்டுப்பாடுள்ள பகுதிக்கு குடிநீர் வழங்க எடுக்கப்பட்டுள்ள நடவடிக்கைகள் என்ன என்பது குறித்து அதிகாரிகளிடம் வேலூர் மண்டல பேரூராட்சிகளின் உதவி இயக்குநர் திருஞானம் கேட்டறிந்தார். உடன், பேரூராட்சிகளின் உதவிச் செயற்பொறியாளர் இசக்கி, இளநிலை பொறியாளர் நாகராஜன், பணி
    மேற்பார்வையாளர் ராமசாமி ஆகியோர் இருந்தனர்.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai