Enable Javscript for better performance
பசுமை வழிச் சாலை திட்டத்தை எதிர்த்து டிடிவி தினகரன் தலைமையில் ஜூலை 6-இல் அமமுக போராட்டம்- Dinamani

சுடச்சுட

    

    பசுமை வழிச் சாலை திட்டத்தை எதிர்த்து டிடிவி தினகரன் தலைமையில்  ஜூலை 6-இல் அமமுக போராட்டம்

    By DIN  |   Published on : 04th July 2018 06:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பசுமை வழிச் சாலைத் திட்டத்துக்கு எதிர்ப்புத் தெரிவித்து, அம்மா மக்கள் முன்னேற்றக் கழகம் சார்பில், திருவண்ணாமலையில் டிடிவி.தினகரன் தலைமையில் வரும் 6-ஆம் தேதி போராட்டம் நடத்தப்படும் என்று முன்னாள் அமைச்சர் ஜி.செந்தமிழன்கூறினார்.
    திருவண்ணாமலை தெற்கு மாவட்ட அம்மா மக்கள் முன்னேற்றக் கழக செயல்வீரர்கள் ஆலோசனைக் கூட்டம் திருவண்ணாமலையில் செவ்வாய்க்கிழமை நடைபெற்றது. கூட்டத்துக்கு தெற்கு மாவட்டச் செயலர் எஸ்.ஆர்.தருமலிங்கம் தலைமை வகித்தார்.
    அண்ணா தொழில் சங்க மாவட்டச் செயலர் ஏ.கே.ஆர்.கதிரவன் முன்னிலை வகித்தார். நகரப் பொறுப்பாளர் குரு.ஏழுமலை வரவேற்றார். கழக தேர்தல் பிரிவுச் செயலரும், தமிழக முன்னாள் அமைச்சருமான ஜி.செந்தமிழன் சிறப்பு அழைப்பாளராகக் கலந்து கொண்டு பேசியதாவது: உள்ளாட்சித் தேர்தலைச் சந்தித்தால் அதிமுக படுதோல்வி அடையும். 
    எனவே, காலம் கடத்தி மக்களவைத் தேர்தலின்போது உள்ளாட்சித் தேர்தலை நடத்த அதிமுக அரசு நினைக்கிறது. அவர்களது இந்தக் கனவு பலிக்காது.
    விவசாய நிலங்களை அழித்து ரூ.10 ஆயிரம் கோடியில் 8 வழிச் சாலை அமைப்பதால் ஏழைகளுக்கு எவ்வித பயனும் இல்லை. எனவே, மக்கள் நலன், விவசாயிகள் நலனுக்காக அம்மா மக்கள் முன்னேற்றக் கழகம் வரும் 6-ஆம் தேதி போராட்டம் நடத்துகிறது. திருவண்ணாமலையில் நடைபெறும் இந்தப் போராட்டத்தில் கட்சியின் துணை பொதுச் செயலர் டிடிவி.தினகரன் கலந்து கொள்கிறார் என்றார்.
    கூட்டத்தில், முன்னாள் அமைச்சர் பாண்டுரங்கன், திருவண்ணாமலை உறுப்பினர் சேர்க்கைப் பொறுப்பாளர் எல்.கே.எம்.பி.வாசு, மாவட்ட துணைச் செயலர்கள் கே.குப்பன், பி.கனகராணி, மாவட்ட எம்ஜிஆர் மன்றச் செயலர் கே.ஆர்.சுந்தரம் உள்பட பலர் கலந்து கொண்டனர்.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai