Enable Javscript for better performance
ரூ.6.30 கோடி செலவில் அரசு அலுவலகக் கட்டுமானப் பணிகள்: மாவட்ட ஆட்சியர் ஆய்வு- Dinamani

சுடச்சுட

    

    ரூ.6.30 கோடி செலவில் அரசு அலுவலகக் கட்டுமானப் பணிகள்: மாவட்ட ஆட்சியர் ஆய்வு

    By DIN  |   Published on : 05th July 2018 02:37 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருவண்ணாமலையில் ரூ.6.30 கோடி செலவில் கட்டப்பட்டு வரும் அரசு அலுவலகங்களின் கட்டுமானப் பணிகளை மாவட்ட ஆட்சியர் கே.எஸ்.கந்தசாமி புதன்கிழமை நேரில் பார்வையிட்டு ஆய்வு செய்தார்.
    திருவண்ணாமலை - திருக்கோவிலூர் சாலையில் நகராட்சி ஆண்கள் மேல்நிலைப் பள்ளி வளாகத்தில் ரூ.3 கோடி செலவில் திருவண்ணாமலை நகராட்சிக்கான புதிய அலுவலகம் கட்டப்பட்டு வருகிறது. நகராட்சி ஆணையர் அறை, பொறியாளர் அறை, நகர்மன்றத் தலைவர் அறை, சுகாதார அலுவலர் அலுவலகங்கள், கூட்ட அரங்கம், நகர்மன்ற கூட்ட அரங்கம், பிரிவு அலுவலகங்கள் உள்பட பல்வேறு வசதிகளுடன் இந்தக் கட்டடம் கட்டப்பட்டு வருகிறது.
    9 நுண்கூறு மையங்கள்: இதே இடத்தில், மத்திய, மாநில அரசுகளின் திடக்கழிவு மேலாண்மைத் திட்டத்தின் கீழ், ரூ.49 லட்சம் செலவில் நுண் கூறு மையம் கட்டப்பட்டு வருகிறது.
    இந்த மையத்தில் திருவண்ணாமலை நகராட்சிக்கு உள்பட்ட 4 வார்டுகளில் இருந்து மட்கும்
    குப்பையை சேகரித்து 45 நாள்கள் பதப்படுத்தி, உரம் தயாரிக்கும் பணி நடைபெற உள்ளது. இதுபோன்ற நுண்கூறு மையங்கள் நகராட்சிக்கு உள்பட்ட 9 இடங்களில் மொத்தம் ரூ.4.50 கோடி செலவில் கட்டப்படுகின்றன.
    தற்போது திருக்கோவிலூர் சாலை, அண்ணா நகர், தாமரை நகர், மணலூர்பேட்டை சாலை, காந்தி நகர் பகுதிகளில் ரூ.2.45 கோடி செலவில் இந்த மையங்களின் கட்டுமானப் பணிகள் நடைபெறுகின்றன.
    இசைப் பள்ளி கட்டடம்:
    திருவண்ணாமலை - செங்கம் சாலை, சமுத்திரம் நகர் அருகே ரூ.85 லட்சம் செலவில் புதிதாக அரசு இசைப் பள்ளி கட்டடம் கட்டப்படுகிறது. பரத நாட்டியம், நாகஸ்வரம், மிருதங்கம், தேவாரம், தவில், வயலின், குரல் ஆகிய வகுப்புகள் நடத்தத் தேவையான 7 தனித்தனி வகுப்பறைகள், தலைமை ஆசிரியர் அறை, அலுவலக அறை, கலை வாத்தியங்கள் அறை உள்பட பல்வேறு வசதிகளுடன் இந்தக் கட்டடம் கட்டப்பட்டு வருகிறது.
    இந்த கட்டுமானப் பணிகளை மாவட்ட ஆட்சியர் கே.எஸ்.கந்தசாமி நேரில் பார்வையிட்டு ஆய்வு செய்தார். அப்போது, கட்டுமானப் பணிகள் தரமானதாக இருக்க வேண்டும். பணிகளை குறித்த நேரத்தில் செய்து முடிக்க வேண்டும் என்று ஒப்பந்ததாரர்களுக்கு ஆட்சியர் கே.எஸ்.கந்தசாமி உத்தரவிட்டார். ஆய்வின்போது, நகராட்சி ஆணையர் செ.பாரிஜாதம் மற்றும் அதிகாரிகள் உடனிருந்தனர்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai