Enable Javscript for better performance
அரசு ஐடிஐயில் மாணவர் சேர்க்கைக் கலந்தாய்வு: விண்ணப்பதாரர்கள் பங்கேற்க அழைப்பு- Dinamani

சுடச்சுட

    

    அரசு ஐடிஐயில் மாணவர் சேர்க்கைக் கலந்தாய்வு: விண்ணப்பதாரர்கள் பங்கேற்க அழைப்பு

    By DIN  |   Published on : 06th July 2018 03:50 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருவண்ணாமலை அரசு தொழில் பயிற்சி நிலையத்தில் நடைபெற்று வரும் மாணவர் சேர்க்கைக் கலந்தாய்வில் விண்ணப்பதாரர்கள் தவறாமல் கலந்து கொள்ள வேண்டும் என்று மாவட்ட நிர்வாகம் தெரிவித்தது.
    திருவண்ணாமலை அரசு தொழில் பயிற்சி நிலையத்தில் 2018-ஆம் கல்வியாண்டுக்கான மாணவர் சேர்க்கை கலந்தாய்வு புதன்கிழமை (ஜூலை 4) தொடங்கி நடைபெற்று வருகிறது. தொடர்ந்து வரும் 18-ஆம் தேதி வரை இந்தக் கலந்தாய்வு நடைபெற உள்ளது.
    ஏற்கெனவே, திருவண்ணாமலை மாவட்டத்தில் உள்ள அரசு தொழில் பயிற்சி நிலையங்கள், தனியார் தொழில் பயிற்சி நிலையங்களில் சேர  இணையதளம் மூலம் விண்ணப்பித்தவர்களுக்கு கலந்தாய்வு குறித்த விவரம் குறுஞ்செய்தி மூலம் அவரவர்களின் செல்லிடப்பேசி எண்ணுக்கு அனுப்பப்பட்டுள்ளது. எனவே, மாணவர் சேர்க்கைக்கு விண்ணப்பித்தவர்கள் கலந்தாய்வில் தவறாமல் கலந்து கொண்டு பயன்பெறலாம். மேலும், விவரங்களுக்கு இதே இணையதளத்தைப் பார்வையிடலாம் என்று திருவண்ணாமலை மாவட்ட நிர்வாகம் தெரிவித்தது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai