சுடச்சுட

    

    திருநங்கைகள், சாதுக்களிடையே வாக்களிப்பதன் அவசியம் குறித்து விழிப்புணர்வு

    By DIN  |   Published on : 16th March 2019 10:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருவண்ணாமலையில் சாதுக்கள், திருநங்கைகளிடையே வாக்களிப்பதன் அவசியம் குறித்து விழிப்புணர்வு ஏற்படுத்தும் நிகழ்ச்சி வெள்ளிக்கிழமை நடைபெற்றது.
    திருவண்ணாமலை வேங்கிக்காலில் உள்ள சமுதாயக் கூடத்தில் திருநங்கைகளிடமும், திருவண்ணாமலை கிரிவலப் பாதை திருநேர் அண்ணாமலை கோயில் அருகே சாதுக்கள், பொதுமக்களிடமும் வாக்களிப்பதன் அவசியம் குறித்து விழிப்புணர்வு ஏற்படுத்தும் நிகழ்ச்சிகள் நடைபெற்றன. நிகழ்ச்சிகளுக்கு கோட்டாட்சியர் ஸ்ரீதேவி தலைமை வகித்தார்.
    மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு திருநங்கைகள், சாதுக்களிடையே வாக்களிப்பதன் அவசியம் குறித்தும், மக்களவைத் தேர்தலில் முதல் முறையாக பயன்படுத்தப்படும் யாருக்கு வாக்களித்தோம் என்பதை உறுதிப்படுத்தும் கருவியின் பயன்பாடு குறித்தும் விழிப்புணர்வு ஏற்படுத்தினார்.
    திருவண்ணாமலை மாவட்டத்தில் 354 சாதுக்கள், 76 திருநங்கைகள் வாக்காளர்களாக உள்ளனர்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai