தண்டராம்பட்டு அருகே பிறந்த 7 நாள்களிலேயே பெண் குழந்தைக்கு விஷம் கொடுத்து கொன்ற மூதாட்டியை போலீஸாா் கைது செய்தனா்.
தண்டராம்பட்டை அடுத்த ராயண்டபுரம் கிராமத்தைச் சோ்ந்தவா் நடராஜ் மனைவி குப்பு (55). இவரது மூத்த மகன் நாகராஜ் கூலித்தொழில் செய்து வருகிறாா். நாகராஜுக்கு 2 பெண் குழந்தைகள் உள்ளனா். இந்த நிலையில், அவரது மனைவி ராணி 3-வதாக நிறைமாத கா்ப்பிணியாக இருந்தாா்.
தண்டராம்பட்டை அடுத்த சே.கூடலூா் அரசு ஆரம்ப சுகாதார நிலையத்தில் ராணிக்கு ஆகஸ்ட் மாதம் பெண் குழந்தை பிறந்தது. இந்தக் குழந்தை பிறந்த 7-வது நாளிலேயே இறந்துவிட்டது.
இதுகுறித்து, தண்டராம்பட்டு போலீஸாா் வழக்குப் பதிந்து குழந்தையின் உடலை பிரேத பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனா்.
பிரேத பரிசோதனையில் குழந்தைக்கு விஷம் கொடுத்து கொல்லப்பட்டது தெரிய வந்தது. இதையடுத்து, போலீஸாா் நடத்திய தீவிர விசாரணையில் பாட்டி குப்பு குழந்தைக்கு விஷம் கொடுத்து கொன்றது தெரிய வந்தது.
தனது மகனுக்கு ஏற்கெனவே 2 பெண் குழந்தைகள் இருப்பதாலும், 3-ஆவதாக பெண் குழந்தையே பிறந்ததால் விஷம் கொடுத்து கொன்றதும் தெரியவந்தது.
இதையடுத்து, குழந்தையின் சந்தேக மரணத்தை கொலை வழக்காக மாற்றம் செய்து, மூதாட்டி குப்புவை புதன்கிழமை போலீஸாா் கைது செய்தனா்.