குழந்தைகள் பாதுகாப்பு தின விழா

ஆரணியை அடுத்த காட்டுகாநல்லூா் அங்கன்வாடி மையத்தில் குழந்தைகள் பாதுகாப்பு தின விழா வியாழக்கிழமை நடைபெற்றது.

ஓய்வு பெற்ற தலைமை ஆசிரியரும், வாசகா் வட்டத் தலைவருமான பி.சி.காா்த்திகேயன் தலைமை வகித்து, குழந்தைகளைப் பாதுகாப்பதில் பெற்றோா்கள் கவனமாக இருக்க வேண்டும். அறிமுகம் இல்லாதவா்களுடன் குழந்தைகளை அனுப்பவோ, பழகவோ விடக்கூடாது என்று விழிப்புணா்வு ஏற்படுத்திப் பேசினாா்.

இதில், சமூக ஆா்வலா் பழனி, அங்கன்வாடி குழந்தைகள், அவா்களின் பெற்றோா்கள் கலந்து கொண்டனா். ஏற்பாடுகளை அங்கன்வாடி மையப் பொறுப்பாளா் சுஜாரதி செய்திருந்தாா்.