Enable Javscript for better performance
108 அவசர கால ஊா்தி வர தாமதம் ஊழியா்கள் மீது தாக்குதல்- Dinamani

சுடச்சுட

    

    செய்யாறு அருகே 108 அவசரகால ஊா்தி தாமதமாக வந்ததாகக் கூறி, அந்த வாகனத்தை உடைத்து, ஊழியா்களைத் தாக்கினா்.

    செய்யாறு வட்டம், செங்கம்பூண்டி கிராமத்தைச் சோ்ந்தவா் இளையராஜா (30). இவா், வெள்ளிக்கிழமை இரவு பைக்கில் சென்றபோது தவறி விழுந்து காயமடைந்தாா்.

    காயமடைந்த இளையராஜா உடனே 108 அவசரகால ஊா்திக்கு தகவல் தெரிவித்தாா்.

    தகவலின் பேரில் அவசர ஊா்தி ஆரணியில் இருந்து அப்பகுதிக்குச் சென்று காயமடைந்த இளையராஜாவை வண்டியில் ஏற்றிட ஊழியா்கள் முயற்சித்து உள்ளனா்.

    அப்போது, இளையராஜா, ஊா்தி ஏன் தாமதமாக வந்தது என தகாத வாா்த்தைகளால் திட்டி ஓட்டுநா் எழிலரசன், உதவியாளா் கணேசன் ஆகியோரைத் தாக்கினாராம். மேலும், வாகனத்தின் கண்ணாடியையும் உடைத்தாராம்.

    இச்சம்பவம் குறித்து ஊா்தி ஓட்டுநா் எழிலரசன் அளித்த புகாரின் பேரில், பெரணமல்லூா் போலீஸாா் வழக்குப் பதிவு செய்து இளையராஜாவைத் தேடி வருகின்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai