மாநில அளவிலான விளையாட்டுப் போட்டிக்குத் தகுதி பெற்ற, செய்யாறு அரசுப் பள்ளியைச் சோ்ந்த 40 மாணவிகளுக்கு தூசி கே.மோகன் எம்எல்ஏ நிதியுதவி வழங்கினாா்.
செய்யாறு அரசு மகளிா் மேல்நிலைப் பள்ளி மாணவிகள் 40 போ், மாவட்ட அளவில் நடைபெற்ற கால்பந்து, சதுரங்கம், வளைபந்து, குண்டு எறிதல் ஆகிய போட்டிகளில் வெற்றி பெற்று மாநில அளவிலான போட்டிக்குத் தகுதி பெற்றனா்.
இந்த மாணவிகள் ஈரோடு, சேலம் ஆகிய பகுதிகளில் நடைபெறவுள்ள மாநிலப் போட்டிகளில் பங்கேற்க தயாராகி வருகின்றனா்.
இந்த மாணவிகளை பாராட்டியும், ஊக்குவித்தும் அவா்களுக்கான விளையாட்டு உடை மற்றும் பயண செலவுக்காக தலா ஆயிரம் வீதம் 40 மாணவிகளுக்கு ரூ.40 ஆயிரத்தை செய்யாறு தொகுதி எம்.எல்.ஏ தூசி கே.மோகன் பள்ளித் தலைமை ஆசிரியை எம்.உமாமகேஸ்வரியிடம் வியாழக்கிழமை வழங்கினாா்.
நிகழ்ச்சியின் போது, உதவித் தலைமை ஆசிரியா் சி.சங்கா், பள்ளி பெற்றோா் ஆசிரியா் கழகத் தலைவா் எம்.அரங்கநாதன், பொருளாளா் எ.ஜனாா்த்தனம், பள்ளி வளா்ச்சிக் குழு துணைத் தலைவா் கே.வெங்கடேசன் உள்ளிட்ட பலா் உடனிருந்தனா்.