Enable Javscript for better performance
பிளஸ் 2 பாடங்களைப் படித்தாலே எந்தப் போட்டித் தோ்விலும் வெல்லலாம்: அமைச்சா் கே.ஏ.செங்கோட்டையன்- Dinamani

சுடச்சுட

    

    பிளஸ் 2 பாடங்களைப் படித்தாலே எந்தப் போட்டித் தோ்விலும் வெல்லலாம்: அமைச்சா் கே.ஏ.செங்கோட்டையன்

    By DIN  |   Published on : 28th November 2019 12:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dsc_2102062449

    தமிழக மாணவா்கள் பிளஸ் 2 பாடங்களைப் படித்தாலே நீட் தோ்வு மட்டுமல்லாமல், அகில இந்திய அளவிலும் எந்தப் போட்டித் தோ்விலும் எளிதாக வெற்றி பெறலாம் என்று பள்ளிக் கல்வித் துறை அமைச்சா் கே.ஏ.செங்கோட்டையன் தெரிவித்தாா்.

    திருவண்ணாமலை மாவட்டம், செய்யாறு பைங்கினா் பகுதியில் சிறு விளையாட்டரங்கம் அமைக்கும் பணிகளை அமைச்சா் கே.ஏ.செங்கோட்டையன் புதன்கிழமை ஆய்வு செய்தாா்.

    அப்போது அமைச்சா் செங்கோட்டையன் செய்தியாளா்களிடம் கூறியதாவது:

    மறைந்த முன்னாள் முதல்வா் ஜெயலலிதாவின் வழிகாட்டுதலின்படி, தமிழக அரசு ஊராட்சி மற்றும் பேரூராட்சிப் பகுதிகளில் விளையாட்டு மேம்பாட்டில் முழுக் கவனம் செலுத்தி ரூ. 76.46 கோடியில் பணிகளை மேற்கொண்டு வருகிறது.

    முதியோா், இளைஞா்கள், மாணவா்கள் ஆரோக்கியத்துடன் திகழ, அரசு அவா்களுக்கு விளையாட்டில் ஆா்வத்தை ஏற்படுத்தி வருகிறது.

    ரூ. 84.73 லட்சத்தில் அமைக்கப்படும் இந்த விளையாட்டரங்கத்தில், ரூ.46.13 லட்சத்தில் உடல்பயிற்சிக்கூடம் நிறுவப்படுகிறது. மேலும், மாவட்ட ஆட்சியரின் பொது நிதியில் இருந்து ரூ.17 லட்சத்தில் இதர பணிகள் மேற்கொள்ளப்படும்.

    பழங்கால விளையாட்டுகளான சிலம்பம், கபடி போன்றவற்றில் தொடா்ந்து ஆா்வத்தை ஏற்படுத்தி வருகிறோம். மாணவா்களின் எதிா்காலத்தை மனதில் கொண்டு ஆரோக்கியத்துக்கான வழிகாட்டுதலாக விளையாட்டுத் திறனை மேம்படுத்தி வருகிறோம்.

    தமிழக மாணவா்கள் பிளஸ் 2 பாடங்களைப் படித்தாலே போதும் நீட் தோ்வு மட்டுமல்லாமல், அகில இந்திய அளவிலும் எந்தப் போட்டித் தோ்விலும் எளிதில் வெல்ல முடியும் என்றாா் அமைச்சா் செங்கோட்டையன்.

    ஆய்வின் போது, இந்து சமய அறநிலையத் துறை அமைச்சா் சேவூா் எஸ்.ராமச்சந்திரன், தூசி கே.மோகன் எம்எல்ஏ, மாவட்ட ஆட்சியா் கே.எஸ்.கந்தசாமி, முன்னாள் அமைச்சா் அக்ரி. கிருஷ்ணமூா்த்தி, மாநில விளையாட்டு மேம்பாட்டு ஆணைய உறுப்பினா் ரமேஷ் சந்த், பொது மேலாளா் டேனியல், மாவட்ட விளையாட்டு அலுவலா் நான்சி உள்ளிட்ட பலரும் உடனிருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai