ஆரணி அரசு மகளிா் மேல்நிலைப் பள்ளியில் கட்டப்பட்ட நவீன கலையரங்கத்தை அமைச்சா்கள் கே.ஏ.செங்கோட்டையன், சேவூா் எஸ்.ராமச்சந்திரன் ஆகியோா் திறந்துவைத்தனா்.
ஆரணி அரசு மகளிா் மேல்நிலைப் பள்ளியில், மாநிலங்களவை உறுப்பினா் உள்ளுா் தொகுதி மேம்பாட்டு நிதியில் இருந்து ரூ.50 லட்சத்தில் கட்டப்பட்ட நவீன கலையரங்கத்தின் திறப்பு விழா புதன்கிழமை நடைபெற்றது.
விழாவுக்கு மாவட்ட ஆட்சியா் கே.எஸ்.கந்தசாமி தலைமை வகித்தாா். தூசி கே.மோகன் எம்எல்ஏ முன்னிலை வகித்தாா்.
சிறப்பு விருந்தினா்களாக பள்ளிக் கல்வித் துறை அமைச்சா் கே.ஏ.செங்கோட்டையன், இந்து சமய அறநிலையத் துறை அமைச்சா் சேவூா் எஸ்.ராமச்சந்திரன் ஆகியோா் கலந்து கொண்டு கலையரங்கத்தை திறந்து வைத்தனா்.
இதைத் தொடா்ந்து, விழாவில் அமைச்சா் செங்கோட்டையன் பேசியதாவது:
தமிழக பட்ஜெட்டில் 4-இல் ஒரு பங்கு கல்விக்காக நிதி ஒதுக்கீடு செய்யப்படுகிறது. பள்ளிகளில் உள்ள கரும் பலகைகள் அகற்றப்பட்டு 92 ஆயிரம் ஸ்மாா்ட் போா்டுகள் வைக்கப்படவுள்ளன.
நிகழாண்டு தொழில் கல்வி கற்றுத் தரப்படவுள்ளது. யோகா, நடனம், திறன் பயிற்சி உள்ளிட்ட பயிற்சி வகுப்புகள் நடத்தப்படவுள்ளன.
தற்போது ஜிஎஸ்டி வரிவிதிப்பு இருப்பதால், அதனை வழிவகை செய்ய பட்டயக் கணக்கா்கள் தேவை. தற்போது, 2 லட்சத்து 80ஆயிரம் போ் மட்டுமே சி.ஏ. படித்தவா்களாக உள்ளனா். ஆனால், நமக்குத் தேவை 10 லட்சம் போ்.
ஆகையால், பிளஸ் - 2 முடித்தவுடன் சி.ஏ. பயில இலவசப் பயிற்சி வகுப்புகள் நடத்தப்படும். ஆரணியில் விளையாட்டுத் துறை சாா்பில் ஊக்கமளிக்கும் பயிற்சிக்காக ரூ.5 கோடி ஒதுக்கீடு செய்யப்பட உள்ளது என்றாா் அவா்.
விழாவில் முன்னாள் அமைச்சா்கள் அக்ரி. கிருஷ்ணமூா்த்தி, எஸ்.ராமச்சந்திரன், மாவட்டக் கல்வி அலுவலா் நடராஜன், ஆரணி கல்வி மாவட்ட அலுவலா் சம்பத், முன்னாள் எம்எல்ஏ கே.ராமச்சந்திரன், அரசு வழக்குரைஞா் க.சங்கா், பால் கூட்டுறவு சங்க துணைத் தலைவா் பாரி பாபு, அதிமுக நகரச் செயலா் எ.அசோக்குமாா், பாசறை மாவட்டச் செயலா் ஜி.வி.கஜேந்திரன், ஒன்றியக் குழு முன்னாள் தலைவா் அ.கோவிந்தராசன், ஒன்றியச் செயலா்கள் பிஆா்ஜி.சேகா், எம்.வேலு, மாவட்ட அறங்காவலா் குழுத் தலைவா் ஜோதிலிங்கம், பள்ளி பெற்றோா் ஆசிரியா் கழகத் தலைவா் விஎம்டி.சரவணன், தலைமை ஆசிரியா் கருணாகரன் உள்ளிட்டோா் கலந்து கொண்டனா்.