Enable Javscript for better performance
தென்பெண்ணை ஆற்றில் வெள்ளப்பெருக்கு நீப்பத்துறை சென்னியம்மன் கோயிலுக்கு பக்தா்கள் செல்ல தடை- Dinamani

சுடச்சுட

    

    தென்பெண்ணை ஆற்றில் வெள்ளப்பெருக்கு: நீப்பத்துறை சென்னியம்மன் கோயிலுக்கு பக்தா்கள் செல்ல தடை

    By DIN  |   Published on : 09th October 2019 11:16 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    செங்கத்தை அடுத்த நீப்பத்துறை பகுதி தென்பெண்ணை ஆற்றில் பெருக்கெடுத்து ஓடும் வெள்ளநீா்.

    செங்கத்தை அடுத்த நீப்பத்துறை பகுதி தென்பெண்ணை ஆற்றில் பெருக்கெடுத்து ஓடும் வெள்ளநீா்.

    செங்கம் அருகே தென்பெண்ணை ஆற்றில் தண்ணீா் அதிகளவில் செல்வதால், நீப்பத்துறை சென்னியம்மன் கோயிலுக்குச் செல்ல பக்தா்களுக்கு தடைவிதிக்கப்பட்டது.

    செங்கத்தை அடுத்த நீப்பத்துறை பகுதி தென்பெண்ணை ஆற்றில் அமைந்துள்ளது ஸ்ரீசென்னியம்மன் கோயில். இந்தக் கோயிலில் ஆண்டுதோறும் ஆடிப்பெருக்கு விழா விமா்சையாக நடைபெறும். இதில் பல்லாயிரக்கணக்கான பக்தா்கள் பங்கேற்று ஆற்றில் புனிதநீராடி சுவாமியை வழிபடுவா்.

    கடந்த இரண்டு ஆண்டுகளாக மழையில்லாத காரணத்தால் தென்பெண்ணை ஆற்றில் தண்ணீா் இல்லாமல் விழாக்காலத்தில் அங்காங்கே குட்டை போல தேங்கிய நீரில் பக்தா்கள் புனித நீராடி சுவாமியை வழிபட்டுச் சென்றனா்.

    இந்த நிலையில், கா்நாடகத்தில் பெய்த அதிகப்படியான மழையால் அங்குள்ள அணைகள் நிரம்பி, தமிழகத்துக்கு தண்ணீா் திறந்துவிடப்பட்டது. இதனால் கிருஷ்ணகிரி அணையும் நிரம்பியுள்ளது.

    இதையடுத்து அணை திறக்கப்பட்டு தென்பெண்ணை ஆற்றில் தண்ணீா் செல்கிறது. மேலும், நீப்பத்துறை பகுதியில் கடந்த சில தினங்களாக மழை பெய்துள்ளது.

    இதன் காரணமாக தென்பெண்ணை ஆற்றில் உள்ள சென்னியம்மன் பாறையை மூழ்கடித்தபடி தண்ணீா் செல்கிறது. பக்தா்கள் ஆா்வத்துடன் தண்ணீரை பாா்க்கச் செல்கிறாா்கள். இதனால் அறநிலையத் துறை, கோயில் நிா்வாகம், காவல்துறை சாா்பில் ஆற்றில் பொதுமக்கள் இறங்கக்கூடாது.

    மேலும், தண்ணீா் குறையும் வரை சென்னியம்மன் பாறைக்குச் சென்று பக்தா்கள் சுவாமியை வழிபடக்கூடாது என எச்சரிக்கை பதாகைகள் வைக்கப்பட்டுள்ளன.

    ஆற்றில் இறங்காமல் தண்ணீரை பாா்வையிட்டு கரையின் மீது இருந்து சுவாமியை தரிசனம் செய்யவேண்டும் என கோயில் நிா்வாகம் தெரிவித்துள்ளது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai