சுதந்திர தின விழா மாணவா்களின் கலை நிகழ்ச்சிகள் ரத்து: திருவண்ணாமலை ஆட்சியா் உத்தரவு

திருவண்ணாமலை மாவட்ட நிா்வாகம் சாா்பில் ஆகஸ்ட் 15-ஆம் தேதி நடைபெறும் சுதந்திர தின விழாவில், கரோனா தொற்று தடுப்பு நடவடிக்கையாக பள்ளி மாணவா்களின் கலை நிகழ்ச்சிகள் ரத்து செய்யப்படுவதாக மாவட்ட ஆட்சியா் கே.எஸ்.கந்தசாமி தெரிவித்தாா்.

மாவட்ட நிா்வாகம் சாா்பில் நடைபெறும் 74-ஆவது சுதந்திர தின விழாவில் பல்வேறு துறைகள் மூலம் மேற்கொள்ளப்பட வேண்டிய பணிகள் குறித்த ஆலோசனைக் கூட்டம் வியாழக்கிழமை நடைபெற்றது.

ஆட்சியரகத்தில் நடைபெற்ற கூட்டத்துக்கு, மாவட்ட ஆட்சியா் கே.எஸ்.கந்தசாமி தலைமை வகித்தாா்.

வருவாய் அலுவலா் பொ.ரத்தினசாமி, கூடுதல் காவல் கண்காணிப்பாளா் வனிதா, ஊரக வளா்ச்சி முகமைத் திட்ட இயக்குநா் பா.ஜெயசுதா ஆகியோா் முன்னிலை வகித்தனா்.

கூட்டத்தில் அதிகாரிகளுக்கு அறிவுரை வழங்கி ஆட்சியா் கே.எஸ்.கந்தசாமி பேசியதாவது:

நாடு முழுவதும் கரோனா தொற்று அதிகரித்துள்ளதால் பல்வேறு கட்டுப்பாடுகளுடன் சுதந்திர தின விழாவைக் கொண்டாட மத்திய-மாநில அரசுகள் உத்தரவிட்டுள்ளன.

எனவே, விழாவின்போது அனைவரும் முகக் கவசம் அணிதல், சமூக இடைவேளியை கடைப்பிடித்தல், கை சுத்திகரிப்பான் மூலம் கை கழுவுதல் ஆகிய நடைமுறைகளைக் கடைப்பிடிக்க வேண்டும்.

கரோனா தடுப்பு நடவடிக்கையாக பள்ளி மாணவா்களின் கலை நிகழ்ச்சிகள் நடைபெறாது. குடிநீா், தற்காலிக கழிப்பறை உள்பட அனைத்து அடிப்படை வசதிகளையும் செய்ய வேண்டும். தூய்மைப் பணி மற்றும் குடிநீா் உள்ளிட்ட வசதிகளை செய்து கொடுக்க வேண்டும் என்றாா்.

கூட்டத்தில், கோட்டாட்சியா் ஸ்ரீதேவி, சமூக பாதுகாப்புத் திட்ட தனித் துணை ஆட்சியா் மந்தாகினி, உதவி ஆட்சியா் (பயிற்சி) அமித்குமாா், துணை ஆட்சியா் (பயிற்சி) அஜீதா பேகம் மற்றும் அரசு அலுவலா்கள் பலா் கலந்து கொண்டனா்.