ஆரணியை அடுத்த மொழுகம்பூண்டி கிராமத்தில் ரூ.2.18 கோடியில் நடைபெற்று வரும் வளா்ச்சித் திட்டப் பணிகளை அமைச்சா் சேவூா் எஸ்.ராமச்சந்திரன் சனிக்கிழமை ஆய்வு செய்தாா்.
ஆரணி அருகேயுள்ள மொழுகம்பூண்டி கிராமம் மிஷன் அந்தியோதயா திட்டத்தின் கீழ் இந்தியாவில் சிறந்த கிராமமாக தோ்வு செய்யப்பட்டது. இந்தக் கிராமம் முன்மாதிரி கிராமமாக மாற்றம் செய்யப்பட்டு வருவதை முன்னிட்டு பல்வேறு வளா்ச்சித் திட்டப் பணிகள் மேற்கொள்ளப்பட்டு வருகின்றன.
பணிகளை ஆய்வு செய்த இந்து சமய அறநிலையத் துறை அமைச்சா் சேவூா் எஸ்.ராமச்சந்திரன் செய்தியாளா்களிடம் கூறியதாவது:
மிஷன் அந்தியோதயா திட்டத்தின் கீழ் தமிழக முதல்வரின் பரிந்துரையை ஏற்று மத்திய அரசு மொழுகம்பூண்டி கிராமத்தை சிறந்த கிராமமாக தோ்வு செய்தது.
ஆகையால், கிராமத்துக்கான அடிப்படை வசதிகள் ரூ.2.18 கோடியில் மேற்கொள்ளப்பட்டு வருகின்றன. 29 தெருக்களுக்கு 3050 மீட்டா் தொலைவு சிமென்ட் சாலைப் பணிகள் பக்க கால்வாயுடன் அமைக்கப்படுகிறது. உயா்மின் கோபுர விளக்கு அமைத்தல், பேருந்து நிறுத்தம் சீரமைத்தல், பள்ளியில் மாணவா்கள் அமா்ந்து சாப்பிடுவதற்கான கட்டடம், பள்ளி நூழைவு வாயில் ஆழ்துளைக் கிணறு அமைத்தல், கல்வெற்றுக்கள் அமைத்தல் உள்ளிட்ட பல்வேறு அடிப்படை வசதிகளை செய்து மாதிரி கிராமமமாக மாற்றப்பட்டு வருகிறது என்றாா்.
அதிமுக ஒன்றியச் செயலா் பி.ஆா்.ஜி.சேகா், அரசு வழக்குரைஞா் க.சங்கா், பேரவை நகரச் செயலா் பாரி பி.பாபு, மேற்கு ஆரணி ஒன்றியச் செயலா் எம்.வேலு, வட்டார வளா்ச்சி அலுவலா் திலகவதி, பொறியாளா்கள் குருபிரசாந்த், மதுசூதனன், பணி மேற்பாா்வையாளா் சுஜாதா, அதிமுக நிா்வாகிகள் பையூா் சதீஷ், வேலுமணி, வாசு உள்ளிட்டோா் உடனிருந்தனா்.