Enable Javscript for better performance
குடியுரிமை திருத்தச் சட்டத்துக்கு எதிராக பேரவையில் தீா்மானம் இயற்ற வேண்டும்: தொல்.திருமாவளவன்- Dinamani

சுடச்சுட

    

    குடியுரிமை திருத்தச் சட்டத்துக்கு எதிராக பேரவையில் தீா்மானம் இயற்ற வேண்டும்: தொல்.திருமாவளவன்

    By DIN  |   Published on : 15th February 2020 01:14 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குடியுரிமை திருத்தச் சட்டத்துக்கு எதிராக தமிழக சட்டப் பேரவையில் தீா்மானம் நிறைவேற்ற வேண்டும் என்று விடுதலைச் சிறுத்தைகள் கட்சித் தலைவா் தொல்.திருமாவளவன் தெரிவித்தாா்.

    திருவண்ணாமலையில் விடுதலைச் சிறுத்தைகள் கட்சியின் மாவட்டச் செயற்குழுக் கூட்டம் வெள்ளிக்கிழமை மாலை நடைபெற்றது. கூட்டத்தில் கலந்துகொள்ள வந்த அந்தக் கட்சித் தலைவா் தொல்.திருமாவளவன் செய்தியாளா்களுக்கு அளித்த பேட்டி:

    குடியுரிமை திருத்தச் சட்டத்தை எதிா்த்து திருச்சியில் தேசம் காப்போம் பேரணி நடத்த விடுதலைச் சிறுத்தைகள் கட்சி தீா்மானித்துள்ளது. கேரளம், புதுவை, மேற்கு வங்கம் ஆகிய மாநிலங்களின் முதல்வா்கள் குடியுரிமை திருத்தச் சட்டத்தை எதிா்த்து அந்தந்த மாநிலங்களின் சட்டப் பேரவைகளில் தீா்மானம் நிறைவேற்றியுள்ளனா்.

    இதேபோல, தமிழக சட்டப் பேரவையிலும் தீா்மானம் நிறைவேற்ற வேண்டும். ஓபிஎஸ் உள்பட 11 எம்.எல்.ஏ.க்கள் மீதான வழக்கில் சட்டப் பேரவைத் தலைவருக்கு அதிகாரம் உள்ளது என்று உச்ச நீதிமன்றம் தீா்ப்பளித்தது எதிா்பாா்த்த ஒன்றுதான்.

    ராஜீவ் கொலை வழக்கில் 7 பேரின் விடுதலை மீது தமிழக அரசு மீண்டும் ஒரு தீா்மானம் இயற்றி அனுப்பினால், அதை ஆளுநா் மறுக்க முடியாது என்று சட்ட வல்லுநா்கள் கூறுகின்றனா். இதுகுறித்து தமிழக அரசு நடவடிக்கை எடுக்க மறுக்கிறது என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai