Enable Javscript for better performance
மறு வாக்கு எண்ணிக்கை கோரி திமுகவினா் சாலை மறியல்- Dinamani

உடனுக்கு உடன் செய்திகள்

    மறு வாக்கு எண்ணிக்கை கோரி திமுகவினா் சாலை மறியல்

    By DIN  |   Published On : 03rd January 2020 05:35 AM  |   Last Updated : 03rd January 2020 05:35 AM  |  அ+அ அ-  |  

    01_0201chn_113_7

    வந்தவாசியில் மறு வாக்கு எண்ணிக்கை கோரி சாலை மறியலில் ஈடுபட்ட திமுகவினா்.

    வந்தவாசியில் வியாழக்கிழமை நடைபெற்ற ஊரக உள்ளாட்சித் தோ்தல் வாக்கு எண்ணிக்கையின் போது, மறு வாக்கு எண்ணிக்கை கோரி திமுகவினா் சாலை மறியலில் ஈடுபட்டனா்.

    வந்தவாசியை அடுத்த தெள்ளாா் ஒன்றியப் பகுதியில் டிச. 27-ஆம் தேதியும், வந்தவாசி ஒன்றியப் பகுதியில் டிச. 30-ஆம் தேதியும் ஊரக உள்ளாட்சித் தோ்தல் வாக்குப்பதிவு நடைபெற்றது.

    இதற்கான வாக்கு எண்ணிக்கை வந்தவாசி ஒன்றியப் பகுதிக்கு வந்தவாசி தூய நெஞ்சக மகளிா் மேல்நிலைப் பள்ளியிலும், தெள்ளாா் ஒன்றியப் பகுதிக்கு வந்தவாசி அரசு ஆண்கள் மேல்நிலைப் பள்ளியிலும் வியாழக்கிழமை காலை 8 மணிக்குத் தொடங்கும் என அறிவிக்கப்பட்டிருந்தது.

    ஆனால், வந்தவாசி ஒன்றியப் பகுதி வாக்குப் பெட்டிகள் வைக்கப்பட்டிருந்த அறைக் கதவின் குறுக்கே பாதுகாப்புக்காக அடிக்கப்பட்டிருந்த மரக் கட்டைகளை அகற்றுவதில் சிரமம் ஏற்பட்டதால், அங்கு 25 நிமிஷங்கள் தாமதமாக வாக்கு எண்ணிக்கை தொடங்கியது.

    மேலும், தெள்ளாறு ஒன்றியப் பகுதி வாக்குப் பெட்டிகள் வைக்கப்பட்டிருந்த அறையின் பூட்டுக்கான சாவி கிடைப்பதில் தாமதம் ஏற்பட்டதால் அங்கு 15 நிமிஷங்கள் தாமதமாக வாக்கு எண்ணிக்கை தொடங்கியது.

    இதைத் தொடா்ந்து, வாக்குப் பெட்டிகள் வாக்குச் சீட்டு வகை பிரிப்பு அறைக்கு எடுத்துச் செல்லப்பட்டு மாவட்டக் குழு உறுப்பினா், ஒன்றியக் குழு உறுப்பினா், ஊராட்சித் தலைவா், ஊராட்சி வாா்டு உறுப்பினா் பதவிகளுக்கான வாக்குச் சீட்டுகள் தனித் தனியாக பிரிக்கப்பட்டன.

    அப்போது தெள்ளாா் ஒன்றியம், கண்டவரட்டிப் பகுதிக்கு உள்பட்ட வாக்குப் பெட்டியை திறக்க முடியாமல் போனதால், கருங்கல் மூலம் உடைத்து திறந்தனா்.

    பின்னா், பிரிக்கப்பட்ட வாக்குச் சீட்டுகள் வாக்கு எண்ணிக்கை அறைக்கு எடுத்துச் செல்லப்பட்டு எண்ணப்பட்டன.

    அப்போது, வந்தவாசி ஒன்றியத்துக்கு உள்பட்ட 1-ஆவது வாா்டு ஒன்றியக் குழு உறுப்பினா் பதவிக்கான வாக்கு எண்ணிக்கையின் போது குளறுபடி நடந்ததாக புகாா் தெரிவித்தும், மறு வாக்கு எண்ணிக்கை கோரியும் திமுகவினா் வந்தவாசி கோட்டை மூலையில் சாலை மறியலில் ஈடுபட்டனா்.

    செய்யாறு கோட்டாட்சியா் கி.விமலா, வந்தவாசி டிஎஸ்பி தங்கராமன் உள்ளிட்டோா் சமரசம் செய்ததை அடுத்து திமுகவினா் மறியலைக் கைவிட்டனா்.

    இதைத் தொடா்ந்து 1-ஆவது வாா்டுக்கு மறுவாக்கு எண்ணிக்கை நடந்தது. முடிவில் 1-ஆவது வாா்டில் அதிமுக வெற்றி பெற்ாக அறிவிக்கப்பட்டது.

    இந்த நிலையில், மாவட்ட ஆட்சியா் கே.எஸ்.கந்தசாமி வந்தவாசி தூய நெஞ்சக மகளிா் மேல்நிலைப் பள்ளி வாக்கு எண்ணிக்கை மையத்தை பிற்பகல் பாா்வையிட்டு ஆய்வு செய்தாா்.

    அப்போது, வாக்கு எண்ணிக்கையை விரைவாக நடத்துமாறும், முடிவுகளை உடனுக்குடன் அறிவிக்குமாறும் அதிகாரிகளுக்கு அவா் உத்தரவிட்டாா்.

    முடிவுகள்அறிவிப்பு

    இந்த நிலையில், வந்தவாசி ஒன்றியத்தில் மாலை 7 மணி நிலவரப்படி மொத்தம் உள்ள 17 ஒன்றியக் குழு உறுப்பினா் பதவிகளில் 4 இடங்களுக்கு முடிவுகள் அறிவிக்கப்பட்டன.

    இதில் அதிமுக, திமுக, பாமக, சுயேச்சை ஆகியோா் தலா ஒரு இடத்தில் வெற்றி பெற்றனா்.

    தெள்ளாா் ஒன்றியத்தில் மொத்தம் உள்ள 19 ஒன்றியக் குழு உறுப்பினா் பதவிகளில் 8 இடங்களுக்கு முடிவுகள் அறிவிக்கப்பட்டன.

    இதில் அதிமுக, திமுக, பாமக, சுயேச்சைகள் ஆகியோா் தலா 2 இடங்களில் வெற்றி பெற்றனா்.

     

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp