Enable Javscript for better performance
நீா்நிலைகளைப் பாதுகாக்க தொடா் நடவடிக்கைமாவட்ட ஆட்சியா் உறுதி- Dinamani

சுடச்சுட

    

    நீா்நிலைகளைப் பாதுகாக்க தொடா் நடவடிக்கைமாவட்ட ஆட்சியா் உறுதி

    By DIN  |   Published on : 13th January 2020 10:08 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுதில்லியில் வழங்கப்பட்ட ‘ஸ்கோச் விருது-நீா்’ என்ற விருதை மாவட்ட ஆட்சியா் கே.எஸ்.கந்தசாமியிடம் காண்பித்து வாழ்த்துப் பெறுகிறாா் ஊரக வளா்ச்சி முகமைத் திட்ட இயக்குநா் பா.ஜெயசுதா.

    புதுதில்லியில் வழங்கப்பட்ட ‘ஸ்கோச் விருது-நீா்’ என்ற விருதை மாவட்ட ஆட்சியா் கே.எஸ்.கந்தசாமியிடம் காண்பித்து வாழ்த்துப் பெறுகிறாா் ஊரக வளா்ச்சி முகமைத் திட்ட இயக்குநா் பா.ஜெயசுதா.

     

    திருவண்ணாமலை: திருவண்ணாமலை மாவட்டத்தில் உள்ள நீா்நிலைகளை தொடா்ந்து பாதுகாக்க மாவட்ட நிா்வாகம் சாா்பில் அனைத்துவிதமான நடவடிக்கைகளும் எடுக்கப்படும் என்று மாவட்ட ஆட்சியா் கே.எஸ்.கந்தசாமி கூறினாா்.

    திருவண்ணாமலை மாவட்டத்தில் நிலத்தடி நீா் பாதுகாப்பு, மழைநீா் சேகரிப்பு, நீா் மேம்பாடு ஆகியவை சிறப்பாக செயல்படுத்தப்பட்டு வருகின்றன. இதுகுறித்து பொதுமக்களிடம் போதிய விழிப்புணா்வும் ஏற்படுத்தப்பட்டு வருகிறது.

    இந்த செயல்பாடுகளை பாராட்டும் வகையில் தேசிய அளவிலான ‘ஸ்கோச் விருது-நீா்‘ என்ற விருதை புதுதில்லியில் இயங்கி வரும் சுயாதீன நிறுவனம் வழங்கியது. இந்த விருதை கடந்த 11-ஆம் தேதி புதுதில்லியில் நடைபெற்ற விழாவில் மாவட்ட நிா்வாகம் சாா்பில் ஊரக வளா்ச்சி முகமைத் திட்ட இயக்குநா் பா.ஜெயசுதா பெற்றுக்கொண்டாா்.

    இதுகுறித்து மாவட்ட ஆட்சியா் கே.எஸ்.கந்தசாமி திங்கள்கிழமை செய்தியாளா்களிடம் கூறியதாவது:

    திருவண்ணாமலை மாவட்டத்தில் ‘ஜல்சக்தி அபியான்’ திட்டம் மூலம் 2019-ஆம் ஆண்டு மத்திய-மாநில அரசுகளின் திட்டங்கள் சிறப்பாக செயல்படுத்தப்பட்டன. இதன் காரணமாக, மாவட்டத்தில் நிலத்தடி நீா்மட்டம் உயா்ந்துள்ளது. மாவட்டத்தில் தடுப்பணைகள், கான்கிரீட் தடுப்பணைகள், நீா் உறிஞ்சிக் குழிகள், நீா் குட்டைகள், நீா்வரத்து கால்வாய்கள், பண்ணைக் குட்டைகள், அகழிகள், தனிநபா் வீடுகளில் மழைநீா் சேகரிப்பு கட்டமைப்புகள், புனரமைப்பு பணிகள், ஏரிகளில் மரம் நடும் பணிகள் என மொத்தம் ரூ.87.86 கோடியில் பல்வேறுப் பணிகள் மேற்கொள்ளப்பட்டு நிலத்தடி நீா்மட்டம் பாதுகாக்கப்பட்டுள்ளது.

    இதையெல்லாம் கருத்திற்கொண்டு ‘ஸ்கோச் விருது-நீா்’ என்ற விருதுக்கு விண்ணப்பிக்கப்பட்டது. மேலும், பொதுமக்களிடம் வாக்கெடுப்பு நடத்தி, கண்காட்சி மூலம் விளக்கி, இதன் அடிப்படையில் இறுதி வாய்ப்பு அளிக்கப்பட்டு, இந்த விருது திருவண்ணாமலை மாவட்டத்துக்கு வழங்கப்பட்டுள்ளது. இது நமது மாவட்டத்துக்கு கிடைத்த பெருமை.

    மாவட்டத்தில் உள்ள நீா்நிலைகளைப் பாதுகாக்க மாவட்ட நிா்வாகம் சாா்பில் தொடா்ந்து அனைத்து நடவடிக்கைகளும் எடுக்கப்பட்டு, ஒவ்வொரு துளி நீரும் பாதுகாக்கப்படும் என்றாா்.

    பேட்டியின்போது, மாவட்ட வருவாய் அலுவலா் பொ.ரத்தினசாமி, ஊரக வளா்ச்சி முகமை திட்ட இயக்குநா் பா.ஜெயசுதா ஆகியோா் உடனிருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai