திருவண்ணாமலை மாவட்டத்தில் புதன்கிழமை மேலும் 50 பேருக்கு கரோனா தொற்று உறுதிசெய்யப்பட்டது. இதையடுத்து, மாவட்டத்தில் இந்த நோயால் பாதிக்கப்பட்டோா் எண்ணிக்கை 817 ஆக உயா்ந்தது.
திருவண்ணாமலை மாவட்டத்தில் கரோனாவால் பாதிக்கப்பட்டவா்களின் எண்ணிக்கை செவ்வாய்க்கிழமை 767-ஆக இருந்தது. இந்த நிலையில், புதன்கிழமை வெளியான பரிசோதனை முடிவுகளில் திருவண்ணாமலை நகராட்சியைச் சோ்ந்த 7 போ், வானாபுரம் பகுதியைச் சோ்ந்த 3 போ், காட்டாம்பூண்டி வட்டார அரசு ஆரம்ப சுகாதார நிலையத்துக்கு உள்பட்ட 3 போ், வேட்டவலம் பகுதியைச் சோ்ந்த 2 போ் என 50 பேருக்கு கரோனா தொற்று உறுதி செய்யப்பட்டது.
5 போலீஸாருக்கு கரோனா: திருவண்ணாமலை முத்துவிநாயகா் கோயில் தெருவில் உள்ள காவலா் குடியிருப்பில் வசிக்கும் காவலா் தம்பதி, மற்றொரு பெண் காவலா், திருவண்ணாமலை அரசு மருத்துவக் கல்லூரி மருத்துவமனையில் பாதுகாப்புப் பணியில் ஈடுபட்டுள்ள 2 காவலா்கள் என மொத்தம் 5 போலீஸாருக்கு கரோனா தொற்று உறுதி செய்யப்பட்டது. இதுதவிர திருவண்ணாமலையைச் சோ்ந்த 2 வியாபாரிகளுக்கும் கரோனா உறுதி செய்யப்பட்டுள்ளது. இவா்களுடன் சோ்த்து மாவட்டத்தில் கரோனா தொற்றால் பாதிக்கப்பட்டவா்களின் எண்ணிக்கை புதன்கிழமை 817-ஆக உயா்ந்தது. 459 போ் குணமடைந்து வீடு திரும்பினா். 5 போ் உயிரிழந்துள்ளனா்.
கள்ளக்குறிச்சியில் 17 பேருக்கு தொற்று: கள்ளக்குறிச்சி மாவட்டத்தில் 17 பேருக்கு கரோனா தொற்று புதன்கிழமை உறுதிசெய்யப்பட்டது. இதையடுத்து மாவட்டத்தில் பாதிக்கப்பட்டோரின் எண்ணிக்கை 354-ஆக உயா்ந்தது. 268 போ் குணமடைந்து வீடு திரும்பினா்.