கரோனா வைரஸ் பரவலை தடுப்பது குறித்து அரசுப் பள்ளியிலும், தேசிய ஊரக வேலை ஊறுதித் திட்ட தொழிலாளா்களுக்கும் வியாழன், வெள்ளிக்கிழமைகளில் விழிப்புணா்வுக் கூட்டம் நடத்தப்பட்டது.
திருவண்ணாமலையை அடுத்த மேலத்திக்கான் ஊராட்சி ஒன்றிய நடுநிலைப் பள்ளியில் கரோனா வைரஸ் தடுப்பு விழிப்புணா்வு நிகழ்ச்சி வியாழக்கிழமை நடைபெற்றது. நிகழ்ச்சிக்கு வட்டாரக் கல்வி அலுவலா் ஷகிலா தலைமை வகித்தாா். பள்ளித் தலைமை ஆசிரியா் நாராயணசாமி, உதவி ஆசிரியா்கள் சிவா, தேன்மொழி ஆகியோா் முன்னிலை வகித்தனா்.
காட்டாம்பூண்டி அரசு ஆரம்ப சுகாதார நிலைய மருத்துவ அலுவலா் சுந்தா் சிறப்பு அழைப்பாளராகக் கலந்து கொண்டு கரோனா வைரஸ் பரவாமல் தடுப்பது எப்படி, மாணவ, மாணவிகள் சாப்பிடும் முன்பு சோப்பு போட்டு கைகளை சுத்தமாக கழுவ வேண்டியதன் அவசியம் குறித்து விளக்கினாா்.
இதில், பள்ளி உதவி ஆசிரியா்கள் சுமதி, ராஜலட்சுமி மற்றும் ஆசிரியா், ஆசிரியைகள், மாணவ, மாணவிகள் பலா் கலந்து கொண்டனா்.
தொழிலாளா்களுக்கு....: கலசப்பாக்கத்தை அடுத்த வீரளூா் அரசு ஆரம்ப சுகாதார நிலையம் சாா்பில், மேல்சோழங்குப்பம் கிராமத்தில் மகாத்மா காந்தி தேசிய ஊரக வேலை உறுதித் திட்ட தொழிலாளா்களுக்கு கரோனா வைரஸ் குறித்த விழிப்புணா்வுக் கூட்டம் வெள்ளிக்கிழமை நடைபெற்றது.
கூட்டத்தில் சுகாதார ஆய்வாளா் விஸ்வநாதன் கலந்துகொண்டு கரோனா வைரஸ் பரவும் முறைகள், அதைத் தடுக்கும் முறைகள், தன் சுத்தம் குறித்து விழிப்புணா்வு ஏற்படுத்திப் பேசினாா்.