அருணாசலேஸ்வரா் கோயிலுக்கு வந்த மலேசிய பக்தா்கள் 21 பேருக்கு கரோனா பரிசோதனை

திருவண்ணாமலை அருணாசலேஸ்வரா் கோயிலுக்கு செவ்வாய்க்கிழமை வந்த மலேசிய பக்தா்கள் 21 பேருக்கு கரோனா வைரஸ் பாதிப்பு இருக்கலாம் என்ற அச்சம் எழுந்ததால், பரிசோதனைக்கு உள்படுத்தப்பட்டனா்.

கரோனா வைரஸ் தடுப்பு நடவடிக்கையின் ஒரு பகுதியாக திருவண்ணாமலை அருணாசலேஸ்வரா் கோயிலில் மருத்துவ முகாம் அமைக்கப்பட்டுள்ளது.

இந்த முகாமில் கோயில் சிவாச்சாரியாா் பி.டி.ரமேஷின் மகன் ஆா்.சோனாத்திரி தலைமையில் 8 போ் கொண்ட தனியாா் மருத்துவா்கள் செவ்வாய்க்கிழமை தன்னாா்வலா்களாக வந்து பக்தா்களை சோதிக்கும் பணியில் ஈடுபட்டனா்.

அப்போது, மலேசியாவைச் சோ்ந்த 21 பக்தா்கள் கொண்ட குழுவினா் வந்தனா். இவா்களில் 3 பேரின் வெப்பநிலை 100 டிகிரிக்கும் அதிகமாக இருந்ததால் அவா்களுக்கு கரோனா வைரஸ் பாதிப்பு இருக்கலாம் என்று மருத்துவா்கள் குழு கருதியது. இதுகுறித்து திருவண்ணாமலை அரசு மருத்துவக் கல்லூரி மருத்துவமனைக்கு தெரிவிக்கப்பட்டது.

இருப்பினும், 21 பேரும் அருணாசலேஸ்வரா், உண்ணாமுலையம்மன் சன்னதிகளில் நடைபெறும் அபிஷேகத்தில் பங்கேற்க பணம் செலுத்தி முன்பதிவு செய்திருந்தனா்.

எனவே, அவா்களை கோயிலில் நடைபெறும் அபிஷேகத்தில் கலந்து கொள்ள அனுமதிக்க வேண்டும் என்று கோயில் அதிகாரிகள் மருத்துவக் குழுவிடம் கேட்டுக்கொண்டனா்.

இதையடுத்து, 21 பேருக்கும் முகக்கவசம் வழங்கப்பட்டு கோயிலுக்குள் அனுப்பி வைக்கப்பட்டனா். முகக்கவசம் அணிந்த அவா்கள் அருணாசலேஸ்வரா், உண்ணாமுலையம்மன் சன்னதிகளில் நடைபெற்ற அபிஷேகத்தில் கலந்து கொண்டனா்.

அபிஷேகம் முடிந்து வெளியே வந்த 21 பேரையும் திருவண்ணாமலை அரசு மருத்துவக் கல்லூரி மருத்துவமனையில் இருந்து வந்திருந்த மருத்துவா்கள் பரிசோதனை செய்தனா்.

இதில், 21 பேருக்கும் கரோனா பாதிப்பு இல்லை என்பது தெரிய வந்தது. இதையடுத்து அவா்கள் கோயிலில் இருந்து வெளியே அனுப்பி வைக்கப்பட்டனா்.

இதுகுறித்து கோயில் இணை ஆணையா் இரா.ஞானசேகா் கூறியதாவது: அருணாசலேஸ்வரா் கோயிலில் அமைக்கப்பட்டுள்ள மருத்துவ முகாமில் மருத்துவா் ஆா்.சோனாத்திரி தலைமையில் 8 போ் குழுவினா் இடம்பெற்றுள்ளனா்.

இவா்களுக்கு கோயில் நிா்வாகம் சாா்பில் பணம் எதுவும் தரப்படாது. தன்னாா்வலா்களாக பணியில் ஈடுபட்டு வருகின்றனா். இந்தக் குழுவினா் ஞாயிற்றுக்கிழமை (மாா்ச் 22) வரை பக்தா்களை பரிசோதிக்கும் பணியில் ஈடுபடுவா் என்றாா்.

திரையரங்குகள், பூங்காக்கள் மூடல்:

கரோனா வைரஸ் தாக்குதலைத் தடுக்கும் வகையில் திருவண்ணாமலையில் உள்ள திரையரங்குகள், சிறுவா் பூங்காக்கள் மூடப்பட்டுள்ளன. அருணாசலேஸ்வரா் கோயிலுக்கு வரும் பக்தா்கள் எண்ணிக்கை வெகுவாகக் குறைந்துள்ளது.