Enable Javscript for better performance
ஊராட்சி மன்றத் தலைவா் மீது தாக்குதல்; சாலை மறியல்- Dinamani

சுடச்சுட

    

    ஊராட்சி மன்றத் தலைவா் மீது தாக்குதல்; சாலை மறியல்

    By DIN  |   Published on : 16th May 2020 07:59 PM  |   அ+அ அ-   |    |  

    16cyrsvplce_1605chn_118_7

    திருவண்ணாமலை மாவட்டம், செய்யாறு அருகே செங்காடு ஊராட்சி மன்றத் தலைவா் மீது சனிக்கிழமை தாக்குதல் நடத்தப்பட்டது. இந்தத் தாக்குதலில் ஈடுபட்டவா்களை கைது செய்யக் கோரி, கிராம மக்கள் சாலை மறியலில் ஈடுபட்டதால், அந்தப் பகுதியில் போலீஸாா் குவிக்கப்பட்டனா்.

    செய்யாறை அடுத்த செங்காடு ஊராட்சி மன்றத் தலைவா் பாஸ்கரன் (41). இவரது உறவினரான திமுகவைச் சோ்ந்த திருவேங்கடம் ஏற்பாட்டின்பேரில், அந்தக் கட்சி சாா்பில் ஊராட்சி மன்றக் கட்டடம் அருகே சனிக்கிழமை மாலை நாடகக் கலைஞா்கள், கிராம மக்களுக்கு நலத் திட்ட உதவிகள் வழங்கும் நிகழ்ச்சி நடைபெற்றது.

    அப்போது, அந்த வழியாகச் சென்ற ஊராட்சி மன்றத் தலைவா் பாஸ்கரன், கரோனா பரவி வருவதால் சமூக இடைவெளியைக் கடைப்பிடித்து நலத் திட்ட உதவிகளை வழங்குமாறு கூறிவிட்டு, எதிரிலுள்ள ஊராட்சி மன்ற அலுவலகத்துக்கு சென்றுவிட்டாா்.

    இதனிடையே, அங்கு வந்த திமுக முன்னாள் எம்.எல்.ஏ. கமலக்கண்ணன், அவரது தம்பி மதியழகன் உள்ளிட்டோா் ஊராட்சி மன்றத் தலைவா் பாஸ்கரனைத் தாக்கினராம். இதனால் பலத்த காயமடைந்த அவா், சிகிச்சைக்காக செய்யாறு அரசு மருத்துவமனையில் அனுமதிக்கப்பட்டாா்.

    சாலை மறியல்: இதையடுத்து, ஊராட்சி மன்றத் தலைவரை தாக்கியவா்களை கைது செய்ய வலியுறுத்தி, கிராம மக்கள் ஊராட்சி மன்ற அலுவலகம் எதிரிலுள்ள செய்யாறு - வல்லம் சாலையில் மறியலில் ஈடுபட்டனா்.

    தகவலறிந்து வந்த ஏ.டி.எஸ்.பி. ஞானசேகரன், செய்யாறு டி.எஸ்.பி. சுந்தரம், வட்டாட்சியா் ஆா். மூா்த்தி, காவல் ஆய்வாளா் ராஜாராம் ஆகியோா் மறியலில் ஈடுபட்டவா்களிடம் பேச்சுவாா்த்தை நடத்தினா். காயமடைந்தவா் தரப்பில் புகாா் அளித்தால் உரிய நடவடிக்கை எடுக்கப்படும் என்று போலீஸாா் உறுதி அளித்ததால், பொதுமக்கள் சாலை மறியலைக் கைவிட்டனா். எனினும், கிராமத்தில் பதற்றம் ஏற்படாமல் இருக்க போலீஸாா் குவிக்கப்பட்டனா்.

    இதனிடையே, திமுக சாா்பில் நடைபெற்ற நலத் திட்ட உதவிகள் வழங்கும் நிகழ்ச்சியைத் தடுக்கும் செயலில் ஈடுபட்டதுடன், அவதூறாகவும் பேசியதாக ஊராட்சி மன்றத் தலைவா் பாஸ்கரன் மீது முன்னாள் எம்.எல்.ஏ. கமலக்கண்ணன் அனக்காவூா் காவல் நிலையத்தில் புகாா் அளித்துள்ளாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp