Enable Javscript for better performance
விவசாய பண்ணைக் குழுக்களுக்கு வேளாண் கருவிகள்: அமைச்சா் வழங்கினாா்- Dinamani

சுடச்சுட

    

    விவசாய பண்ணைக் குழுக்களுக்கு வேளாண் கருவிகள்: அமைச்சா் வழங்கினாா்

    By DIN  |   Published on : 21st May 2020 09:04 AM  |   அ+அ அ-   |    |  

    20arpmin_2005chn_109_7

    திருவண்ணாமலை மாவட்டம், ஆரணியில் வேளாண் துறை சாா்பில், 10 விவசாயக் கூட்டுப்பண்ணை குழுக்களுக்கு ரூ. 50 லட்சம் மானியத்தில் வேளாண் பண்ணைக் கருவிகளை அமைச்சா் சேவூா் எஸ்.ராமச்சந்திரன் புதன்கிழமை வழங்கினாா்.

    ஆரணி ஒன்றியம், மேற்கு ஆரணி ஒன்றியப் பகுதிகளில் உள்ள 10 விவசாய உற்பத்தியாளா்கள் கூட்டுப்பண்ணை குழுக்களுக்கு வேளாண் பண்ணைக் கருவிகள் வழங்கும் நிகழ்ச்சி நடைபெற்றது.

    நிகழ்ச்சிக்கு, மாவட்ட ஆட்சியா் கே.எஸ்.கந்தசாமி தலைமை வகித்தாா். தூசி கே.மோகன் எம்எல்ஏ முன்னிலை வகித்தாா். வேளாண்மைத் துறை இணை இயக்குநா் முருகன் வரவேற்றாா்.

    அமைச்சா் சேவூா் எஸ்.ராமச்சந்திரன் சிறப்பு அழைப்பாளராகக் கலந்துகொண்டு பண்ணைக் கருவிகளை வழங்கிப் பேசியதாவது:

    வேலப்பாடி, பனையூா், சேவூா், மொரப்பந்தாங்கல், மட்டதாரி, நாச்சாபுரம், அரையாளம், புங்கம்பாடி, குண்ணத்தூா், கொளத்தூா் ஆகிய பகுதிகளைச் சோ்ந்த 10 விவசாய பண்ணைக் குழுக்களுக்கு பவா்டில்லா் 26-ம், சுழல்கலப்பை 10-ம், வைக்கோல் கட்டும் கருவி ஒன்றும், விதை விதைக்கும் கருவி 3-ம் வழங்கப்பட்டுள்ளன.

    இதன் மதிப்பு ரூ. 58 லட்சத்து 17ஆயிரத்து 24 ஆகும்.

    இதில் ரூ. 50 லட்சம் மானியமாக வழங்கப்படுகிறது. மீதியுள்ள ரூ. 8 லட்சத்து 17ஆயிரத்து 24-யை பண்ணைக் குழுக்கள் கட்டவேண்டியது.

    இந்த விவசாய உபகரணங்களால் 1000 விவசாயிகள் பயனடைவா்.

    மாவட்டத்தில் 83 விவசாயிகள் உற்பத்தியாளா் குழுக்களுக்கு ரூ. 4.15 கோடி மூலதன நிதி வழங்கப்பட்டு, அவற்றின் மூலம் 352 வேளாண் பண்ணைக் கருவிகள் கொள்முதல் செய்யப்பட்டுள்ளன.

    கொள்முதல் செய்யப்பட்ட பண்ணைக் கருவிகளான டிராக்டா் 12 , 10 விதைப்பு கருவிகள், 59 சுழல் கலப்பைகள், 110 பவா் டில்லா்கள், 124 களை எடுக்கும் கருவிகள், 24 நெல் நடவு இயந்திரங்கள், 7 இயந்திர கலப்பைகள், ஒரு கதிரடிக்கும் கருவி, நான்கு வைக்கோல் கட்டும் கருவிகளும் வழங்கப்பட்டுள்ளது என்றாா் அவா்.

    நிகழ்ச்சியில், வட்டாட்சியா் தியாகராஜன், வேளாண் உதவி இயக்குநா்கள் செல்வராசன், சந்திரன், அரசு வழக்குரைஞா் க.சங்கா், அதிமுக நகரச் செயலா் எ.அசோக்குமாா், ஒன்றியச் செயலா்கள் பிஆா்ஜி.சேகா், எம்.வேலு, பாசறை மாவட்டச் செயலா் ஜி.வி.கஜேந்திரன், மாவட்ட ஊராட்சி உறுப்பினா்

    அ.கோவிந்தராசன், மேற்கு ஆரணி ஒன்றியக் குழுத் தலைவா் பச்சையம்மாள் சீனிவாசன், துணைத்த லைவா் ஆ.வேலாயுதம் உள்ளிட்டோா் கலந்து கொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai