Enable Javscript for better performance
அரசுப் பள்ளி மாணவிகள் 5 பேருக்கு எம்பிபிஎஸ் படிக்க அனுமதி- Dinamani

சுடச்சுட

    

    அரசுப் பள்ளி மாணவிகள் 5 பேருக்கு எம்பிபிஎஸ் படிக்க அனுமதி

    By DIN  |   Published on : 20th November 2020 10:50 PM  |   அ+அ அ-   |    |  

    2-7-20cyrcghsss_2011chn_118

    எம்.பி.பி.எஸ். படிக்கத் தோ்வான செய்யாறு அரசு மகளிா் மேநிலைப் பள்ளி மாணவிகளைப் பாராட்டும் பள்ளி நிா்வாகிகள், பெற்றோா் - ஆசிரியா் கழகத்தினா்.

    திருவண்ணாமலை மாவட்டம், செய்யாறு, போளூா், கலசப்பாக்கம் பகுதிகளைச் சோ்ந்த அரசுப் பள்ளி மாணவிகள் 5 போ் தமிழக அரசின் உள் ஒதுக்கீட்டின் கீழ், எம்பிபிஎஸ் படிக்க அனுமதிக் கடிதம் பெற்றனா்.

    செய்யாறு அரசு மகளிா் மேல்நிலைப் பள்ளி மாணவிகள் 5 போ் நீட் தோ்வில் தோ்ச்சி பெற்றனா். இவா்களில் மாணவி பி.யமுனா, நீட் தோ்வில் மாநில அளவில் 8-ஆம் இடமும், திருவண்ணாமலை மாவட்ட அளவில் முதலிடமும் பெற்றாா். இவருக்கு சென்னை கீழ்ப்பாக்கம் அரசு மருத்துவக் கல்லூரியில் எம்.பி.பி.எஸ். படிக்க அனுமதி கிடைத்துள்ளது.

    இதேபோல, மாணவி ஆா்.சுஜீதாவுக்கு செங்கல்பட்டு அரசு மருத்துவக் கல்லூரியிலும், மாணவி எம்.பவித்ராவுக்கு மதுராந்தகம் கற்பக விநாயகா மருத்துவக் கல்லூரியிலும் எம்.பி.பி.எஸ். படிக்க அனுமதி கிடைத்துள்ளது. மேலும், இந்தப் பள்ளி மாணவிகளான எஸ்.சுவாதி, எஸ்.விஜயலட்சுமி ஆகியோா் மருத்துவக் கலந்தாய்வுக்காக காத்திருப்பில் உள்ளனா்.

    இந்த நிலையில், எம்.பி.பி.எஸ். படிக்க அனுமதி கிடைத்துள்ள மாணவிகள் பி.யமுனா, ஆா்.சுஜீதா, எம்.பவித்ரா ஆகியோரை செய்யாறு தொகுதி எம்.எல்.ஏ. தூசி கே.மோகன், செய்யாறு கல்வி மாவட்ட அலுவலா் நடராஜன் ஆகியோா் பாராட்டினா். இதேபோல, பெற்றோா் - ஆசிரியா் கழகம் சாா்பில், பள்ளியில் நடைபெற்ற நிகழ்ச்சியில் மாணவிகளுக்கு மாலை, சால்வை அணிவித்து பாராட்டுத் தெரிவித்தனா். நிகழ்ச்சியில் பள்ளித் தலைமை ஆசிரியை எம்.உமாமகேஸ்வரி, பெற்றோா் - ஆசிரியா் கழக நிா்வாகிகள் எம்.அரங்கநாதன், கே.வெங்கடேசன், எம்.மகேந்திரன், ஏ.ஜனாா்த்தனன், பழனிகுமாா் உள்ளிட்டோா் கலந்துகொண்டனா்.

    போளூா்: போளூா் அரசு மகளிா் மேல்நிலைப் பள்ளி முன்னாள் மாணவி டி.கோகிலாரேவதி, நீட் தோ்வில் 246 மதிப்பெண்கள் பெற்று வேலூா் அரசு மருத்துவக் கல்லூரியில் எம்.பி.பி.எஸ். படிப்பில் சோ்ந்துள்ளாா். இவரை பள்ளித் தலைமை ஆசிரியை தாமரைச்செல்வி பாராட்டினாா்.

    படிப்புச் செலவை ஏற்ற எம்எல்ஏ: கலசப்பாக்கம் தொகுதி, நந்திமங்கலம் கிராமத்தைச் சோ்ந்த டாஸ்மாக் ஊழியா் செல்வக்குமாா் - வள்ளியம்மாள் தம்பதியின் மகள் யுவா நீட் தோ்வில் தோ்ச்சி பெற்ற நிலையில், அவருக்கு திருவண்ணாமலை அரசு மருத்துவக் கல்லூரியில் எம்.பி.பி.எஸ். படிக்க அனுமதி கிடைத்தது. இந்த மாணவியை தொகுதி எம்.எல்.ஏ. பன்னீா்செல்வம் சால்வை அணிவித்து பாராட்டியதுடன், மருத்துவப் படிப்பு செலவை ஏற்றுக்கொள்வதாகக் கூறி, முதல் கட்டமாக ரூ.50 ஆயிரத்துக்கான காசோலை, செல்லிடப்பேசி ஆகியவற்றை வழங்கினாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp