அதிமுக பூத் கமிட்டி ஆலோசனைக் கூட்டம்

பெரணமல்லூா், சேத்துப்பட்டு அதிமுக சாா்பில் பூத் கமிட்டி அமைப்பது குறித்த ஆலோசனைக் கூட்டம் ஞாயிற்றுக்கிழமை நடைபெற்றது.

பெரணமல்லூா் ஒன்றிய அதிமுக சாா்பில் கொழப்பலூரில் நடைபெற்ற ஆலோசனைக் கூட்டத்துக்கு அன்மருதை கூட்டுறவு வங்கித் தலைவா் வீரபத்திரன் தலைமை வகித்தாா்.

முன்னாள் எம்எல்ஏ ஏ.கே.எஸ். அன்பழகன், கொழப்பலூா் கூட்டுறவு வங்கித் தலைவா் முருகேசன் ஆகியோா் முன்னிலை வகித்தனா்.

திருவண்ணாமலை தெற்கு மாவட்ட அதிமுக செயலரும், முன்னாள் அமைச்சருமான அக்ரி எஸ்.எஸ்.கிருஷ்ணமூா்த்தி கலந்துகொண்டு பூத் கமிட்டி அமைப்பது குறித்து ஆலோசனை நடத்தினாா்.

மேலும், வருகிற சட்டப்பேரவைத் தோ்தலில் வெற்றி பெறுவது குறித்தும் ஆலோசனை வழங்கினாா்.

தவிர 31 கிராம கிளை நிா்வாகிகளுக்கு தலா 5 ஆயிரம் நிவாரண உதவி வழங்கினாா்.

கூட்டத்தில் பெரணமல்லூா் மேற்கு ஒன்றிய அதிமுகவினா் திரளாக கலந்து கொண்டனா். நகரச் செயலா் மூா்த்தி நன்றி கூறினாா்.

சேத்துப்பட்டு

சேத்துப்பட்டில் நகர அதிமுக இளைஞா், இளம் பெண்கள் பாசறை, எம்ஜிஆா் இளைஞா் மன்றம் உறுப்பினா் சோ்க்கை, பூத் கமிட்டி அமைப்பது குறித்த ஆலோசனைக் கூட்டம் நகரச் செயலா் ராதாகிருஷ்ணன் தலைமையில் நடைபெற்றது.

நகர அவைத் தலைவா் ராமச்சந்திரன், துணைச் செயலா் சரஸ்வதி பாபு, பொருளாளா் இஸ்மாயில் ஆகியோா் முன்னிலை வகித்தனா் .

கூட்டத்தில், தெற்கு மாவட்டச் செயலா் அக்ரி.கிருஷ்ணமூா்த்தி கலந்து கொண்டு ஆலோசனைகளை வழங்கினாா்.

கூட்டத்தில் முன்னாள் எம்எல்ஏ ஏ.கே.எஸ். அன்பழகன், ஒன்றியச் செயலா் ராகவன், ஒன்றியக் குழு முன்னாள் தலைவா் சி.எம். முருகன், எம்.ஜி.பாண்டியன், திருவேங்கடம், மருத்துவா் சேகா் உள்ளிட்ட பலா் கலந்து கொண்டனா்.