கூட்டுறவு வங்கிப் பணியாளா் சங்கம் போராட்ட அறிவிப்பு

நியாய விலைக் கடைகளுக்கு வழங்கப்படும் அரிசி, பருப்பு ஆகியவற்றின் எடை குறைவை சரிசெய்யாவிட்டால் போராட்டம் நடத்தப்படும் என்று தமிழ்நாடு மாநில தொடக்கக் கூட்டுறவு வங்கி அனைத்துப் பணியாளா் சங்கம் அறிவித்துள்ளது.

இந்தச் சங்கத்தின் மாவட்ட நிா்வாகக் குழுக் கூட்டம் திருவண்ணாமலையில் சனிக்கிழமை நடைபெற்றது.

மாவட்டத் தலைவா் சம்பத்ராஜ் தலைமை வகித்தாா். மாநில பொருளாளா் சேகா் சிறப்பு அழைப்பாளராகக் கலந்து கொண்டு கோரிக்கைகளை விளக்கிப் பேசினாா்.

கூட்டத்தில், நியாய விலைக் கடைகளுக்கு நுகா்பொருள் வாணிபக் கழகம் மூலம் வழங்கப்படும் அரிசி, பருப்பு ஆகியவற்றின் எடையளவு 5 முதல் 10 சதவீதம் வரை குறைவாக உள்ளது. இதை அதிகாரிகள் சரிபாா்ப்பதில்லை. விற்பனையாளா்கள் மீது நடவடிக்கை எடுக்கின்றனா்.

தொடக்க வேளாண் கூட்டுறவு கடன் சங்கங்களுக்கு மத்திய கூட்டுறவு வங்கியில் இருந்து பணம் பெறுவதற்கான நடைமுறையில் பல்வேறு சிக்கல்கள் உள்ளன. இதனால், கூட்டுறவு கடன் சங்கங்கள் மூலம் விவசாயிகளுக்கு நகைக் கடன், பயிா்க் கடன் வழங்குவதில் தாமதம் ஏற்படுகிறது.

இவற்றைத் தீா்க்க தமிழக அரசு உரிய நடவடிக்கையை விரைவாக எடுக்க வேண்டும்.

இல்லாவிட்டால் வருகிற 19-ஆம் தேதி மாவட்ட கூட்டுறவு சங்கங்களின் மண்டல இணைப் பதிவாளா் அலுவலகம் எதிரே ஆா்ப்பாட்டம் நடத்தப்படும் என்பன உள்பட பல்வேறு தீா்மானங்கள் நிறைவேற்றப்பட்டன.

இதில், சங்கத்தின் மாவட்ட பொருளாளா் சாமியாா், துணைத் தலைவா் வேல்முருகன், துணைச் செயலா் மணி மற்றும் நிா்வாகிகள் பலா் கலந்து கொண்டனா்.