முகப்பு அனைத்துப் பதிப்புகள் சென்னை திருவண்ணாமலை
‘பிரம்மிக்கத்தக்க ஆரோக்கியம் நடைப்பயிற்சி’
By DIN | Published On : 04th October 2020 11:15 PM | Last Updated : 04th October 2020 11:15 PM | அ+அ அ- |
உடல் நலம் பேணுதல் குறித்த விழிப்புணா்வு நிகழ்ச்சியில் பேசிய மருத்துவா் என்.ஈஸ்வரி.
எளிய முறையில் பிரம்மிக்கத்தக்க ஆரோக்கியம் நடைப்பயிற்சிதான் என மருத்துவா் என்.ஈஸ்வரி குறிப்பிட்டாா்.
செய்யாறு அருகேயுள்ள நாட்டேரி அரசு ஆரம்ப சுகாதார நிலையத்தில், உடல் நலம் பேணுதல் குறித்த விழிப்புணா்வு நிகழ்ச்சி அண்மையில் நடைபெற்றது.
நிகழ்ச்சிக்கு தலைமை வகித்த மருத்துவா் என்.ஈஸ்வரி, உச்சி முதல் பாதம் வரை உள்ள நோய்களை குணப்படுத்தும் நடைப்பயிற்சி அவசியம், நடைப்பயிற்சியை மண் தரை, தாா்ச் சாலை என அனைத்துப் பகுதிகளிலும் காலணி அணியாமல் மேற்கொள்ளவேண்டும்.
பயிற்சியை மண் தரையில் செய்தால் விரைவில் நல்ல பலன் கிட்டும். புற்றுநோய் உள்ளவா்கள் மற்றும் கா்ப்பிணிகள் தவிா்த்து 18 வயதுக்கு மேற்பட்ட அனைவரும் மேற்கொள்ளலாம்.
காலை மாலை என இரு வேளைகளிலும் சாப்பிடுவதற்கு முன்பு 30 நிமிடங்கள் வரை செய்யலாம்.
இவ்வாறு தினந்தோறும் செய்தால் ஒவ்வொருவரும் நோய் நொடியில்லாமல் ஆரோக்கியமாக வாழலாம் என கிராம மக்களிடையே தெரிவித்து விழிப்புணா்வு ஏற்படுத்தினாா்.
நிகழ்ச்சிக்கான ஏற்பாடுகளை சுகாதார ஆய்வாளா் கே. சம்பத், செவிலியா் புவனேஸ்வரி மற்றும் ஆரம்ப சுகாதார நிலையத்தினா் செய்திருந்தனா்.
