செய்யாறு தொகுதியில் பழங்குடியினத்தைச் சோ்ந்த 14 பயனாளிகளுக்கு பசுமை வீடு கட்டுவதற்கான உத்தரவு, கூட்டுறவு கடனுதவி, அதிமுக நிா்வாகிகளுக்கு நிதியுதவி என வியாழக்கிழமை நடைபெற்ற பல்வேறு நிகழ்ச்சிகளில் தூசி கே.மோகன் எம்எல்ஏ பங்கேற்று வழங்கினாா்.
14 பேருக்கு பசுமை வீடு:
அனக்காவூா் ஊராட்சி ஒன்றிய அலுவலகத்தில் நடைபெற்ற நிகழ்ச்சியில், புரிசை வீரம்பாக்கம் கிராமத்தைச் சோ்ந்த பழங்குடியின சமூக பயனாளிகள் 14 பேருக்கு தலா ரூ.3 லட்சத்தில் பசுமை வீடு கட்டுவதற்கான உத்தரவை தூசி கே.மோகன் எம்எல்ஏ வழங்கினாா்.
நிகழ்ச்சியில் வட்டார வளா்ச்சி அலுவலா் சக்திவேல், ஒன்றியத் தலைவா் திலகவதி ராஜ்குமாா், துணைத் தலைவா் அருணாதுரை உள்ளிட்ட பலா் கலந்து கொண்டனா்.
கூட்டுறவு வங்கி சாா்பில் கடனுதவி
வெம்பாக்கம் வட்டம், திருப்பனங்காடு தொடக்க வேளாண்மைக் கூட்டுறவு வங்கி சாா்பில் நடைபெற்ற கடனுதவி வழங்கும் நிகழ்ச்சிக்கு வெம்பாக்கம் ஒன்றியத் தலைவா் மாமண்டூா் டி.ராஜீ முன்னிலை வகித்தாா்.
தூசி கே.மோகன் எம்எல்ஏ பங்கேற்று தலா ரூ. 30 ஆயிரம் வீதம் 12 பேருக்கு கறவை மாடு கடனுதவியும், தலா ரூ. 50 ஆயிரம் வீதம் இருவருக்கு ஊனமுற்றோா் கடனுதவியும், மகளிா் சுய உதவிக் குழுக் கடன் ரூ.9.45 லட்சமும் என 15 பேருக்கு ரூ.14. 5 லட்சத்தில் கடனுதவிகளை வழங்கினாா்.
நிகழ்ச்சியில் கூட்டுறவு சங்கப் பிரதிநிதிகள் டி.பி.துரை, துணைத் தலைவா் வி.தனம்மாள், வங்கிச் செயலா் எஸ்.திலகம் உள்ளிட்டோா் கலந்து கொண்டனா்.
அதிமுக கிளை நிா்வாகிகளுக்கு உதவி:
வடக்கு மாவட்ட அதிமுக சாா்பில், திருப்பனங்காடு, உக்கல், மகாஜனம்பாக்கம் ஆகிய கிராமங்களில் நடைபெற்ற நிகழ்ச்சிகளில் தூசி கே.மோகன் எம்எல்ஏ பங்கேற்று கட்சிக் கொடியேற்றி வைத்து, கிளை நிா்வாகிகள் 16 பேருக்கு தலா ரூ.5 ஆயிரம் வீதம் ரூ.80 ஆயிரத்தில் நிதியுதவிகளை வழங்கினாா். மேலும், ஆயிரம் பேருக்கு பல்வேறு உதவிகளையும் வழங்கினாா்.
நிகழ்ச்சிகளில் கூட்டுறவு சங்கப் பிரதிநிதிகள் எம்.மகேந்திரன், பி.ரமேஷ், எஸ்.திருமூலன், கன்னியப்பன், ஒன்றியச் செயலா்கள் பி.கே.நாகப்பன், எம்.ரங்கநாதன், வே.குணசீலன், சி.துரை, பாஸ்கா் ரெட்டியாா், செபாஸ்டின்துரை உள்ளிட்ட பலா் கலந்து கொண்டனா்.