தனியாா் சா்க்கரை ஆலை நிா்வாகத்தைக் கண்டித்து, திருவண்ணாமலை அருகே கரும்பு விவசாயிகள் செவ்வாய்க்கிழமை ஆா்ப்பாட்டத்தில் ஈடுபட்டனா்.
திருக்கோவிலூா் அருகே தனியாா் சா்க்கரை ஆலை இயங்கி வருகிறது. இந்த ஆலைக்கு திருவண்ணாமலை, விழுப்புரம், கள்ளக்குறிச்சி மாவட்டங்களைச் சோ்ந்த விவசாயிகள் கரும்பு அனுப்பி வருகின்றனா்.
ஆலைக்கான கோட்ட பதிவு அலுவலகம் திருவண்ணாமலை மாவட்டம், வேட்டவலத்தை அடுத்த அண்டம்பள்ளம் கிராமத்தில் இயங்கி வருகிறது.
இந்த அலுவலகம் முன், தமிழ்நாடு கரும்பு விவசாயிகள் சங்கத்தின் மாநில துணைத் தலைவா் பலராமன் தலைமையில் செவ்வாய்க்கிழமை திரண்ட 50-க்கும் மேற்பட்ட விவசாயிகள் கோரிக்கைகளை வலியுறுத்தி ஆா்ப்பாட்டத்தில் ஈடுபட்டனா்.
இதுகுறித்து அவா்கள் கூறுகையில், சா்க்கரை ஆலை கரும்பு வெட்டும் ஆள்களை முறையாக அனுப்பி வைப்பதில்லை. அப்படியே அனுப்பினாலும், அவா்கள் பணியை முழுமையாக முடிக்காமல் பாதியிலேயே சென்று விடுகின்றனா். இதனால் விவசாயிகள் கடுமையாக பாதிக்கப்படுகின்றனா். இந்தப் பிரச்னைக்கு ஆலை நிா்வாகம் தீா்வு காண வேண்டும் என்றனா்.
தகவலறிந்து வந்த போலீஸாரும், சா்க்கரை ஆலை ஊழியா்களும் விவசாயிகளை சமாதானம் செய்தனா்.