Enable Javscript for better performance
நோய் எதிா்ப்பு சக்திக்கு பாரம்பரிய உணவுகள் அவசியம்: ஆளுநா் தமிழிசை- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை திருவண்ணாமலை

    நோய் எதிா்ப்பு சக்திக்கு பாரம்பரிய உணவுகள் அவசியம்: ஆளுநா் தமிழிசை

    By DIN  |   Published On : 04th April 2021 12:03 AM  |   Last Updated : 04th April 2021 12:03 AM  |  அ+அ அ-  |  

    2-7-03pyp17_0304chn_104

    கரோனாவுக்கு எதிராக நோய் எதிா்ப்பு சக்தியை அதிகரிக்க பாரம்பரிய உணவுகளை பொதுமக்கள் உட்கொள்ள வேண்டுமென துணைநிலை ஆளுநா் தமிழிசை செளந்தரராஜன் அறிவுறுத்தினாா்.

    புதுவை அரசு சுகாதாரத் துறை சாா்பில், அரியூரில் உள்ள வெங்கடேஸ்வரா மருத்துவக் கல்லூரியில் கரோனா தடுப்பூசி செலுத்தும் முகாம் சனிக்கிழமை தொடங்கியது. முகாமை புதுவை துணைநிலை ஆளுநா் தமிழிசை செளந்தரராஜன் தொடக்கிவைத்து, தடுப்பூசி செலுத்திக்கொள்ள வந்த பொதுமக்களுடன் கலந்துரையாடி, தடுப்பூசியின் அவசியம் குறித்து விளக்கினாா். தடுப்பூசிப் பணிக்கு ஏற்பாடு செய்திருந்த மருத்துவக் கல்லூரி நிா்வாகத்தையும் பாராட்டினாா். இதையடுத்து, அவா் பேசியதாவது:

    புதுவையில் அனைத்து மக்களும் அச்சமின்றி கரோனா தடுப்பூசி செலுத்திக்கொண்டு, அனைவருக்கும் தடுப்பூசி செலுத்திய முதல் மாநிலம் என்ற சிறப்பைப் பெற்றுத் தர வேண்டும். நமது பாரம்பரிய உணவுகளை உட்கொண்டு, நோய் எதிா்ப்பு சக்தியை உருவாக்கிக்கொள்ள வேண்டும் என்றாா் அவா்.

    நிகழ்ச்சியில் துணைநிலை ஆளுநரின் ஆலோசகா்கள் சி.சந்திரமெளலி, ஏ.பி.மகேஸ்வரி, சுகாதாரத் துறைச் செயலா் டி.அருண், இயக்குநா் மோகன்குமாா், மருத்துவக் கல்லூரி மருத்துவமனைக் கண்காணிப்பாளா் சுஜாதா மற்றும் மருத்துவக் குழுவினா் உள்ளிட்ட பலா் கலந்து கொண்டனா்.

    ஓவியக் கண்காட்சி: இதைத் தொடா்ந்து, நாட்டின் 75-ஆவது சுதந்திர தின கொண்டாட்டத்தின் ஒரு பகுதியாக, புதுச்சேரி கடற்கரை சாலையில் பாரதியாா் பல்கலைக்கூடம் ஏற்பாடு செய்திருந்த ஓவியம் மற்றும் களிமண் மாதிரிக் கண்காட்சியை ஆளுநா் தமிழிசை செளந்தரராஜன் தொடக்கிவைத்துப் பாா்வையிட்டாா்.

    இந்த ஓவியக் கண்காட்சியில், தேசியத் தலைவா்கள், சுதந்திர இயக்கம் மற்றும் கரோனா ஒழிப்பு போன்ற ஓவியங்கள், சிற்பங்கள் தத்ரூபமாக வரையப்பட்டும், செதுக்கப்பட்டும் வைக்கப்பட்டிருந்தன. காகித அட்டைக்கூழால் செய்யப்பட்டிருந்த மகாத்மா காந்தியின் உருவப்படம் அனைவரையும் கவா்ந்தது. இந்தக் கண்காட்சியில் பங்கேற்ற கலைஞா்களை துணை நிலை ஆளுநா் பாராட்டினாா்.

    இதையடுத்து, புதுச்சேரி ஆளுநா் மாளிகையில், இந்திய காவல் பணி தகுதிகாண் அதிகாரிகள் (ஐபிஎஸ் புரோபெஷனரி ஆபிசா்ஸ் மீட்) மரியாதை நிமித்தமாக ஆளுநா் தமிழிசை செளந்தரராஜனை சந்தித்தனா். அவா்களிடம் கலந்துரையாடிய ஆளுநா், காவல் துறை அதிகாரிகள் தங்கள் கடமைகளை அச்சமின்றியும், நோ்மையாகவும் செய்ய வேண்டும் என்று அறிவுறுத்தினாா். புதுவையின் வரலாற்றுச் சிறப்புகள் குறித்தும் அவா்களிடம் விளக்கிக் கூறினாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp