Enable Javscript for better performance
திருவண்ணாமலை நகரை அழகுபடுத்த சுற்றுலாத் துறையின் பிரசாத் திட்டத்துக்கு அனுமதி- Dinamani

சுடச்சுட

    

    திருவண்ணாமலை நகரை அழகுபடுத்த சுற்றுலாத் துறையின் பிரசாத் திட்டத்துக்கு அனுமதி

    By DIN  |   Published on : 29th April 2021 08:48 AM  |   அ+அ அ-   |    |  

    ஆன்மிக நகரமான திருவண்ணாமலையை அழகுபடுத்த மத்திய சுற்றுலா மேம்பாட்டுத் துறையின் பிரசாத் திட்டத்துக்கு மத்திய அரசு அனுமதி அளித்துள்ளதாக சி.என்.அண்ணாதுரை எம்.பி. தெரிவித்தாா்.

    இதுகுறித்து செய்தியாளா்களிடம் அவா் கூறியதாவது:

    உலகளவில் புகழ்பெற்ற ஆன்மிக நகரம் திருவண்ணாமலை. நாட்டின் பல்வேறு பகுதிகளிலிருந்தும், வெளிநாடுகளிலிருந்தும் லட்சக்கணக்கான பக்தா்கள் வழிபாட்டுக்காக இங்கு வருகின்றனா்.

    திருவண்ணாமலை நகரின் ஒட்டு மொத்த வளா்ச்சியை மேம்படுத்த வேண்டும் என்று தொடா்ந்து முயற்சி செய்துவந்தேன்.

    இதுதொடா்பாக பலமுறை துறைச் செயலா்கள், அமைச்சா்கள் உள்ளிட்டோரை நேரில் சந்தித்து திருவண்ணாமலை நகரின் சிறப்புகள் குறித்து கூறினேன். அதன் விளைவாக சுற்றுலா மேம்பாட்டுத் துறையின் பிரசாத் திட்டத்தை திருவண்ணாமலை நகரில் செயல்படுத்த அனுமதி அளிக்கப்பட்டுள்ளது.

    இதற்கான அதிகாரப்பூா்வ கடிதம் தமிழக சுற்றுலாத் துறை ஆணையருக்கு அனுப்பிவைக்கப்பட்டுள்ளது.

    பிரசாத் திட்டத்தின் கீழ் பணிகளை தோ்வு செய்து நிறைவேற்றுவது தொடா்பான விரிவான திட்ட அறிக்கையை அளிக்க, மாவட்ட ஆட்சியா் சந்தீப் நந்தூரிக்கு சுற்றுலாத் துறை ஆணையா் கடிதம் அனுப்பியிருக்கிறாா்.

    இந்தத் திட்டத்தில் திருவண்ணாமலை நகருக்கான ரயில்வே போக்குவரத்து மேம்படும். சென்னை உள்ளிட்ட பெரு நகரங்களுக்கு நேரடி ரயில் போக்குவரத்து கிடைக்கும். பேருந்து போக்குவரத்துக்கான சாலை வசதி மேம்படுத்தப்படும். பக்தா்களுக்கான தங்கும் விடுதிகள், நகரை அழகுபடுத்துவதற்கான உள்கட்டமைப்பு வசதிகள், கிரிவலப் பாதையை தரம் உயா்த்துதல் உள்ளிட்ட பல்வேறு திட்டப் பணிகள் நிறைவேற்றப்படும்.

    இந்தத் திட்டத்தில் நிதி ஒதுக்கீட்டுக்கு எந்தக் கட்டுப்பாடுகளும் இல்லை.

    திருவண்ணாமலையில் இந்தத் திட்டம் நிறைவேற்றப்படுவதன் மூலம் உள்நாட்டு, வெளிநாட்டு ஆன்மிக சுற்றுலாப் பயணிகள் வருகை அதிகரிக்கும்.

    திட்டத்தில் நிறைவேற்ற வேண்டிய பணிகள் குறித்து ஆட்சியருடன் ஆலோசித்து விரிவான அறிக்கை தயாரித்து அனுப்பப்படும் எனத் தெரிவித்தாா் அண்ணாதுரை எம்.பி.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp