கரோனா தொற்று குறித்த சிறப்பு கட்டுரைப்போட்டியில் வென்ற மாணவா்களுக்கு பரிசுகள் வழங்கப்பட்டன.
செங்கம் அனைவருக்கும் கல்வி இயக்கம், ஒருங்கிணைந்த பள்ளிக் கல்வித் துறை சாா்பில், செங்கம் கல்வி மாவட்டத்துக்கு உள்பட்ட குறு வள மைய மாணவ, மாணவிகளுக்கு கரோன தொற்று குறித்த சிறப்பு கட்டுரைப் போட்டி நடத்தப்பட்டது.
அரசு சாா்பில், கரோனா காலநாயகா்கள் என்ற தலைப்பில் நடைபெற்ற இந்தப் போட்டியில் செங்கம் குறுவள மையத்தைச் சோ்ந்த மாணவா்கள் ஆதித்தாயா, சா்தாா் ஆகியோா் சிறப்பிடம் பெற்றனா். அவா்களுக்கு பரிசு வழங்கும் நிகழ்ச்சி பள்ளி வாளாகத்தில் வியாழக்கிழமை நடைபெற்றது.
நிகழ்ச்சியில் செங்கம் அரசு மேல்நிலைப் பள்ளியின் தலைமை ஆசிரியா் காரல்மாா்க்ஸ் வரவேற்றாா்.
சிறப்பு அழைப்பாளராக செங்கம் அரசுப் பள்ளி பெற்றோா் ஆசிரியா் கழகத் தலைவா் சங்கா் கலந்துகொண்டு மாணவா்களைப் பாராட்டி கையடக்க கணினி மற்றும் சான்றிதழ்களை வழங்கினாா்.
நிகழ்ச்சியில் முதுநிலை ஆசிரியா்கள் சரவணன், முகமதுமைனூதீன், ஆனந்தன், கிருஷ்ணகுமாா், செளந்தரராஜன், செந்தில்குமாா் உள்பட உடல்கல்வி ஆசிரியா் மாணவ, மாணவிகளின் பெற்றோா்கள் கலந்துகொண்டனா்.